Nyuma yuko umukecuru wo mu Karere ka Nyamasheke mu minsi ishize atwikiwe inzu ashinjwa kuroga no kugira za Nyabingi, ubu abantu batandatu batawe muri yombi nyuma yo gukubita inyundo umukobwa we uri mu kigero cy’imyaka 30.

Uwo mukecuru ni uwo mu Mudugudu wa Musagara, Akagari ka Gako mu Murenge wa Kagano muri Nyamasheke.

Ahagana saa mbili z’ijoro kuri iki cyumweru tariki ya 6 Ukuboza 2020 ubwo uyu mukobwa yari asohotse agiye mu bwiherero ngo yahuye n’abantu bataramenyekana bamukubita inyundo mu mutwe.

Ni nyuma y’uko ku wa Kane w’icyumweru gishize ku itariki ya 3 Ukuboza, inzu y’umubyeyi w’uyu mukobwa yatwitswe ndetse bimwe mu bikoresho bye bigashya. Abaturanyi bavuze ko uyu mukecukuru w’imyaka 68 akekwaho kuroga.

Icyo gihe bamwe batuye muri ako gace babwiye itangazamakuru ko ko bacyeka ko iyi nzu yatwitswe kubera gucyeka ko uyu aroga.

Umwe muri bo ati “Hari hashize icyumweru dukoze inama n’abayobozi maze bamwe mu baturage bamushinja amarozi no kugira za nyabingi, mu bamushinjaga harimo n’abana be bavuga ko ajya aroga abuzukuru bakarwara. Rero dusanga ariyo mpamvu bamutwikiye iyi nzu.”

Mu nama y’umutekano yahise iba mu gitondo cyo kuri uyu wa Mbere tariki ya 7 Ukuboza, Polisi ikorera mu Murenge wa Kagano yahise ita muri yombi abantu batandatu barimo basaza b’uyu mukobwa.

Umuyobozi w’Akarere ka Nyamasheke, Mukamasabo Appolonie, mu nama y’umutekano yabereye mu Mudugudu wa Musagara, yavuze ko ubuyobozi bw’Umudugudu bugiye gusana iyi nzu y’uyu muryango, asaba n’abaturage kureka gucyeka amarozi mu gihe batagiye kwa muganga ngo babyemeze.

Ati “Niba umuntu yarwaye utagiye kwa muganga ngo umupimishe umunye uburwayi afite, ntabwo iyo apfuye uhita wanzura ngo warogewe n’umuturanyi kandi utagiye kwa muganga ngo abaganga abe ari bo bavuga uburwayi umuntu arwaye.”

Uwakubiswe inyundo yajyanwe mu bitaro bya Kibogora aho bivugwa ko arembye cyane.

Umwana w’uyu muckecuru yakubiswe iyi nyundo mu mutwe ajyanwa mu bitaro aho arembeye

Nyuma y’ibi, hahise haba inama y’igitaraganya, batandatu bakekwa batabwa muri yombi

ABA BANNYAHE BATI "NTABWO TURWANYA LETA, USHAKA INZU BAYIMUHE", ABANA NIBAMARA KUBYARIRA MU RUGO NTITUZABANIGA:

---

---