Nyamagabe: Abantu 13 bafunzwe bakekwaho gutema abantu 4

Abantu 13 bamaze gutabwa muri yombi n’Akarere ka Nyamagabe bakekwaho gutema no gukomeretsa abaturage 4 mu bikorwa by’urugomo n’ubwambuzi byabaye ku mugoroba wo ku wa Gatanu tariki ya 12 Kamena 2020 mu Murenge wa Uwinkingi.

Ku mugoroba wo ku wa 12 Kamena 2020 nibwo abagizi ba nabi batangiriye abaturage bo mu Murenge wa Uwinkingi mu Karere ka Nyamagabe, barabatema bakomeretsamo bane barimo babiri bakomeretse cyane.

Umuyobozi w’Akarere ka Nyamagabe, Uwamahoro Bonaventure, yabwiye itangazamakuru ko ibyabaye ari urugomo n’ubwambuzi ntaho bihuriye n’abanzi b’igihugu bashaka guhungabanya umutekano banyuze mu ishyamba rya Nyungwe.

Ati “Ibyabaye ni urugomo rwakozwe n’agatsiko k’abashakaga kwambura umwe muri abo baturage wari uvuye kuri banki kuzana amafaranga yo kugura ishyamba. Ni ubujura bwabereye hariya ntaho bihuriye n’ubugizi bwa nabi bw’abanzi b’igihugu bashaka guhungabanya umutekano banyuze muri Nyungwe.”

Uwamahoro yavuze ko hari ibimenyetso bigaragaza ko abo 13 bafashwe bari biriwe bacura imigambi yo gutega umugabo witwa Nshutiraguma Sylvain kugira ngo bamwambure amafaranga yagombaga kugura ishyamba.

Ubwo bugizi bwa nabi bwabereye mu Kagari ka Munyege mu Mudugudu wa Munyege.

Uyu murenge wa Uwinkingi uhana imbibi n’ishyamba rya Nyungwe ariko ntabwo biremezwa neza niba ari ho abo bagizi ba nabi baturutse.

Abaturage bane batemwe barimo umukobwa w’imyaka 18; umusaza w’imyaka 65 n’abagabo babiri bari mu kigero cy’imyaka 30 y’amavuko.

Umunyamabanga Nshingwabikorwa w’Umurenge wa Uwinkingi, Uwamahoro Philbert, ahurutse kuvuga ko abo baturage bakimara gutemwa bihutira kubajyana ku Kigo Nderabuzaima cya Mbuga, bagezeyo basanga abo bagabo babiri barimo na Nshutiraguma, bakomerekejwe cyane boherezwa ku Bitaro bya Kigeme nabyo bisanga barembye bihita bibohereza ku Bitaro bya Kaminuza bya Butare, CHUB.

Umuyobozi w’Akarere ka Nyamagabe, Uwamahoro Bonaventure, yavuze ko bahagurukiye guca ibikorwa by’urugomo bikorwa n’udutsiko tw’abiganjemo urubyiruko, asaba abaturage ubufatanye cyane cyane batanga amakuru ku nzego z’ubuyobozi n’iz’umutekano.

Yabukije inzego z’ibanze n’abaturage gukaza amarondo no kuyakora neza bahanahana amakuru.

Madame Ingabire Victoire yasatswe, Me Ntaganda ati " Ibi Perezida arabizi?Murashaka kunyica!", n’andi makuru utasanga ahandi ni muri iyi Video:





Tanga igitekerezo kuri iyi nkuru



Igitekerezo