Nta kiganiro mpaka Trump naba agifite Covid-19-Joe Biden

Joe Biden, umukandida Perezida w’ishyaka ry’Abademokarate, yavuze ko ikiganiro mpaka cya Kabiri cyo kuri Televiziyo kidakwiye kuba Perezida Donald Trump naba agifite Covid-19.

Ku munsi w’ejo ku wa Kabiri, Bwana Biden yagize ati "Ntekereza ko abaye agifite Covid, tudakwiye kugirana ikiganiro mpaka".

"Ntekereza ko tugiye kugomba gukurikiza amabwiriza akaze cyane [yo kwirinda]. Abantu benshi cyane baranduye kandi ni ikibazo gikomeye cyane".

Jenna Ellis, umujyanama wa Trump mu bikorwa byo kwiyamamaza, yabwiye BBC ko Perezida "ameze neza cyane" kandi "yizeye" ko azashobora kwitabira icyo kiganiro.

Madamu Ellis yabwiye ikiganiro Today cya BBC ko Perezida Trump "afata iyi virusi nk’ikibazo gikomeye", ariko yongeraho ko "tudakwiye kubaho mu bwoba bw’iyi virusi".

Yavuze ko umwanzuro wa nyuma uzafatwa hamaze kubazwa itsinda ry’abaganga ba perezida bo mu biro bya White House.


Mu kiganiro mpaka cya mbere cyo ku itariki 29/9, Trump (ibumoso) yaciye mu ijambo Biden inshuro 73 mu minota 90

Biteganyijwe ko ikiganiro mpaka cya kabiri kiba ku itariki ya 15 y’uku kwezi kwa cumi mu mujyi wa Miami muri leta ya Florida.

Perezida Trump - umukandida w’abarepubulikani - bamusanzemo Covid-19 ku itariki ya mbere y’uku kwezi kwa cumi.

Ariko ntibizwi igihe yayanduriye cyangwa igihe yatangiye kumva atameze neza.

Bijyanye n’amabwiriza y’urwego rw’ubuvuzi muri Amerika, Trump akwiye kuguma mu kato mu gihe cy’iminsi igera ku 10 ahereye igihe ibimenyetso bya mbere byayo byagaragariye.

Kugeza ubu muri Amerika abantu barenga miliyoni 7,5 bamaze gutangazwa ko banduye coronavirus, muri bo abarenga 210,000 yarabishe nkuko imibare ya Kaminuza ya Johns Hopkins ibigaragaza.Iyo ni yo mibare ya mbere iri hejuru cyane ku isi.

Umupfumu amennye amabanga y’ukuntu ngo ashika abantu n’uko ari gufasha Abapasiteri, urabyiyumvira byose uko byakabaye muri iyi Video:





Tanga igitekerezo kuri iyi nkuru



Igitekerezo