Nigeria: Umugabo wari umaze imyaka 15 yarigize umwavoka yatahuwe

Ni umugabo w’umunyanigeria wigize umwunganizi mu nkiko (Avocat) kandi atari we watahuwe ku munsi wa gatatu i Lagos mu murwa mukuru w’igihugu cya Nigeria aho yari mu rubanza rwo gufunguza umuntu mu buryo bw’agateganyo.

Igipolisi kivuga ko uwo mugabo w’imyaka 49 yari amaze imyaka 15 yose akora ako kazi kandi nyamara nta mpamyabushobozi yari afite muri uwo mwuga.

Nkuko BBC dukesha iyi nkuru ikomeza ibivuga ngo uyu mugabo utatangajwe amazina yatangiye gukekwa ubwo yageragezaga kuvugurura ingingo iri mu Itegeko Nshinga kugira ngo bimufashe kuzatsinda urubanza rw’uwo yunganiraga mu mategeko.

Uyu mugabo ngo yananiwe kwisobanura neza kubera ubwoba bwinshi yari afite ari nabwo yahise ahatwa ibibazo n’undi munyamategeko birangira atahuwe.

PNG - 618.7 kb
Uyu mugabo yaketswe ubwo yatangiraga gushaka kuvugurura ingingo yo mu Itegeko Nshinga

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo