New Melody yageneye Abanyarwanda ubutumwa bw’ihumure

Iri tsinda ry’abaririmbyi ryitwa New Melody rigizwe na bamwe mu baririmbyi bakunzwe mu ndirimbo zo guhimbaza Imana nka Neema Marie Jeanne wa korali Iriba,Jado Sinza wa korali Siloam ya Kumukenke,Josué n’abandi benshi;rikaba ryaramenyekanye mu ndirimbo IZI N’AMAZINA YACU.

Ubwo u Rwanda ndetse n’isi yose rukomeje kwibuka Genocide yakorewe Abatutsi ku nshuro ya 24,urubuga rwanyu mukunda Umubavu.com rwiyemeje kubagerera kuri bamwe mu bashumba b’amadini,amakorali,abahanzi ndetse n abandi bafite aho bahurira na Gospel yo mu Rwanda.

Uyu munsi tukaba twegereye Neema Marie Jeanne umuyobozi wa New melody kugira ngo tumubaze uko bo bafata kwibuka akaba yadutangarije ko kwibuka biri mu byo bakora kuko nabo ari abenegihugu nk’abandi bityo ibintu byose bifite icyo bivuze ku buzima bw’abanyarwanda nabo biba bibareba nk’ abene gihugu.

Tumubajije ubutumwa bageneye Abanyarwanda by’umwihariko Abarokotse Genocide yakorewe Abatutsi yagize ati:"Mukomere,Kirisito yumva umubabaro kdi abari hafi ngo abahumurize;muzirikane iteka ko imigambi y’Imana ari myiza kuri mwe nubwo mwaciye mu bikomeye."yaboneyeho gutangariza umubavu.com ko bageneye ababaye indirimbo yitwa AKIRA IHUMURE

Twifatanyije n’abandi banyarwanda KWIBUKA TWIYUBAKA Umubavu uzakomeza kugenda ubagezaho inkuru zijyanye no kwibuka ku nshuro ya 24.





Tanga igitekerezo kuri iyi nkuru



Igitekerezo