Namibie: Hari abantu bakiriza umushyitsi gutera akabariro

Buri gahugu n’umuco wako, mu gihugu cya Namibia hari ubwoko bw’abantu bitwa Ovahimba cyangwa Ovazimba batuye mu gace kitwa Kunene n’ahitwa Omusati mu Majyaruguru y’igihugu, bafite umuco wabo bakunda kandi bemera ku buryo mu gihe basuwe n’umushyitsi bamwakiriza igitsina bamuha kurarana n’umugore wo mu rugo yasuye.

Abagore bo muri ubu bwoko nibo bakora imirimo yose ijyanye no kwita ku matungo (kuragira) no kwita ku rubyaro. Abagabo umurimo wabo w’ ingenzi ni uguhiga, akenshi bajya guhiga bagatinda kugaruka mu rugo. Aba bose hamwe barenga ibihumbi 50.
Ubukire bwabo bureberwa ku mubare w’inka utunze. Umukobwa w’ Umuhimba arongorwa akigera mu bwagavu kandi Ise niwe umuhitiramo umugabo ugomba kumurongora.

Aba bantu uruhu rwabo rufite ibara ry’umutuku kuko bisiga umutsima wa ‘otjize’ ukorwa mu mpeke z’igiti kitwa beurre, zivangwa na omuzumba na ocre. Guhindura uruhu kuri ubu buryo ngo bibarinda kurumwa n’udukoko no kwicwa n’izuba.
Mu myizerere yabo, ibara ry’umutuku risobanura ‘ubutaka n’amaraso’. Abagore bo muri ubu bwoko bateka amavuta y’inka umwuka wayo bakayakoramo umubavu.

PNG - 875.8 kb
Mu muco w’aba bantu, umushyitsi niwe urarana n’umugore wa nyiri urugo


Bakora byinshi bitandukanye mu rwego rwo kukwereka ko bakubashye iyo uri ‘umushyitsi’. Iyo umushyitsi akomanze umugabo akora imigenzo yitwa ‘Okujepisa Omukazendu’ mu rwego rwo kumwereka ko amwishimiye.

Iyo migenzo nta yindi ni ukuguha umugore we ukamurarana. Icyo gihe umugabo arara mu kindi cyumba cyaba ntacyo akarara hanze.

Iyo migenzo ituma babana neza hagati yabo kuko ibarinda ishyari ahubwo imibanire yabo ikaba nta makemwa.

Umugore ntabwo afite uburenganzira bwo gutanga igitekerezo cyangwa gufata umwanzuro. Kubaha icyo umugabo ategetse biza ku mwanya wa mbere.

Umugore afite amahitamo yo kwemera kwiha uwo mushyitsi cyangwa kutamwiha ariko ategetswe kwemera ko barara mu buriri bumwe.

Umugore afite uburenganzira bwo kwimukira mugenzi w’umugore wabasuye akaba ariwe urarana n’umugabo we gusa Ikinyamakuru Afrikmag dukesha iyi nkuru kivuga ko bibaho gake cyane.

Agahugu umuco akandi uwako. Nta muco uruta undi gusa buri muco ugira ibyiza byawo. Abagabo cyangwa abagore mwifuza gusura Abahimba cyangwa Abazimba muri Nambia mukareba uko babakira amahitamo ni ayanyu.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
Eugene Ndays Kuya 27-02-2018

Uyu muco Waba Bantu urantangaje Namibie haratangaje bibaye bimeze gutsa Iwacu nazashakira mu ijuru

-xxxx- Kuya 26-02-2018

Murabeshya ubwose waba wifitiyumugore wikizungerezi ukemerako harundi umurarana