N’umujinya mwinshi Leta ya Uganda yakatiye igifungo cya burundu abishe intare 11

Leta ya Uganda yakatiwe igifungo cya burundu abaroze intare zo mu ishyamba rya Queen Elizabeth National Park nyuma yo guhamwa n’icyaha cyo kwica no gusiga isura mbi igihugu.

N’umujinya mwinshi, Leta ya Uganda yakatiye abantu bane bagize uruhari mu kuroga intare zigera kuri 11 igifungo cya burundu bari muri gereza ya Luzira.

Umuyobozi wa (AUTO) ikigo cy’igihugu gishinzwe ubukerarugendo, Barbra Adoso yavuze ko batazihanganira buri umwe ushaka gusubiza inyuma ubukerarugendo bwa Uganda ariyo mpamvu bahanishije aba igifungo cya burundu kugira ngo babere urugero abandi.

Yakomeje avuga ko uburozi butagize ingaruka ku ntare zapfuye gusa ahubwo ko n’impyisi zegereye aho zari zapfiriye nazo zagizweho ingaruka.

Igihugu cya Uganda ni kimwe mu bihugu bifite intare nyinshi muri Africa ari nayo mpamvu bafashe umwanzuro wo gutanga ibihano bikakaye ku babangamira ubuzima bwazo kugira ngo zikomeze kororoka.

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo