N’abadiyakoni baraza tukabafasha-Umuvuzi Gakondo

Habinshuti Jean Pierre ni umwe mu bavuzi Gakondo unabarizwa mu Ihuriro ry’Abavuzi Gakondo mu Rwanda (AGA RWANDA NETWORK), yaganiriye n’UMUBAVU agaruka ku bijyanye n’imandwa, abazimu, imiterekero, imikoshi n’inzigo avuga ingaruka byatera umuntu n’uburyo izi ngaruka zamuvaho, yahishuye ko ngo n’abadiyakoni bo mu nsengero abafasha akabavura.

Avuga ko kumugana ngo agufashe bitewe n’ikibazo ufite utaba ugiye mu irimbukiro cyangwa mu kuzimu ngo kuko akoresha imiti gakondo ishobora gufasha uwo ari we wese.

Avuga ko n’abo mu nsengero nk’abadiyakoni abafasha, ati "Dufasha ahubwo n’abantu bari mu nsengero, umuntu akaza ati ’ndi umudiyakoni’ tukamufasha ati ’sinsinzira ndwara umutwe’ ngira gute..baransengeye biranga, twamara kumufasha...kuko nta mategeko twebwe duha umuntu ngo ubwo tugufashije ngo wisubira mu idini, hoya ntabwo ibyongibyo tubikora".

Akomeza ati "Turagufasha twamara kugufasha ukagenda ukabaho uko ushaka, ugaterana uko ushaka ugakora ibyo ushaka kandi bikagenda neza".

Abajijwe niba we atemera imbaraga zo mu rusengero zishobora kwirukana ibi by’imandwa, imikoshi, imiterekero n’ibindi, ati "Usanga n’iyo babikoze byorohaho igihe gitoya cyangwa se bigasaba ko wa muntu aguma mu rusengero akazasa nk’umuntu utuyemo n’akandi kazi yakoraga akakareka".

Muri iki kiganiro uyu muvuzi Gakondo yasobanuye uburyo akoresha kugira ngo ibi byose yavuze bive ku muntu burimo nko kubatsirika no kubaha imiti avuga ko ikomeye ikomoka ku byatsi.

Umuvuzi Gakondo Habinshuti Jean Pierre akorera I Nyamirambo ugeze kuri 40, umukeneye ushobora no kumuvugisha kuri Nomero ya Telefoni igendanwa 0789388195/0728816224.

Ibindi tutavuze mu nkuru Habinshuti yaganirije UMUBAVU urabyiyumvira muri iyi Video:





Tanga igitekerezo kuri iyi nkuru



Igitekerezo
Kwizera Kuya 4-08-2020

Uwo muvuzi ntaribi kuvugana ntawe bisaba angahe?