Mwarimu yatamaje umukobwa ko yagiye mu mihango bimutera kwiyahura arapfa

Umunyeshuri w’umukobwa wo mu gihugu cya Kenya yariyahuye ahita apfa nyuma y’uko agiye mu mihango akanduza imyenda y’ishuri umwarimu akamusohora mu ishuri ngo ni umunyamwanda.

Ku wa Gatanu w’icyumweu gishize umwana w’umukobwa yariyahuye nyuma yo kunanirwa kwakira uburyo umwarimu yamutukiye imbere y’abandi banyeshuri ndetse akamusohora mu ishuri akamutegeka kuguma hanze yaryo amubwira ko kuba yiyanduje ari umwanda.

Uyu mukobwa ngo yageze iwabo ahita yiyahura arapfa, ibintu byatumwe ababyeyi basaga 200 bajya kwigaragambiriza imbere y’ikigo umwana yigagaho bamagana umwarimu wabaye nyirabayazana w’urupfu rw’uwo mwana.

Police yo muri Kenya yabatatanyije ibarohamo ibyuka biryani mu maso.

Iperereza ririho rirakorwa nubwo ubuyobozi bw’iki kigo ntacyo buratangaza ngo hamenyekane icyatumye yiyahura .

Nyina w’umukobwa yavuze ko umwana we yari afite imyaka 14 y’amavuko.

Mu mwaka wa 2017 muri Kenya hatowe itegeko ryo guha abana b’abakobwa bose biga mu mashuri abanza ibikoresho by’isuku bakoresha mu gihe bagiye mu mihango kandi bakabihabwa ku buntu.

Abagize Inteko Ishinga Amategeko bahise batangira gusuzuma impamvu iryo tegeko ridashyirwa mu bikorwa hose no kuri bose.

Raporo ya 2014 y’umuryango w’abibumbye yagaragaje ko mu bice bya Afurika yo munsi y’ubutayu bwa Sahara umukobwa umwe mu bakobwa 10 basiba ishuri mu gihe bari mu muhango.

Bamwe mu bashinzwe kureberera abana b’abakobwa bakavuga ko 20% batakaza amashuri kubera iyo mpamvu bakishimira kuva mu mashuri burundu.

@Umubavu.com





Tanga igitekerezo kuri iyi nkuru



Igitekerezo