Musanze: Abacungagereza batatu n’abandi bantu bari mu kabari batawe muri yombi

Ku gicamunsi cyo kuri iki Cyumweru tariki ya 24 Mutarama 2021, Polisi y’u Rwanda ikorera mu Karere ka Musanze yataye muri yombi abacungagereza batatu n’abandi bantu batanu barenze ku mabwiriza yo kwirinda ikwirakwira rya Covid-19 bari mu kabari kari mu Murenge wa Cyuve.

Nyuma yo guhabwa amakuru ko hari abantu bari kunywera mu kabari k’ahitwa Nyarubande mu Mujyi wa Musanze, Poilisi yihutiye kuhagera isanga bakkinze umuryango wo ku muhanda maze bamwe baca mu gikari baracika ifatamo abo umunani barimo n’umwe mu bacungagereza ufite ipeti rya Chief Inspector of Prison(CIP).

Igihe cyanditse ko umuvugizi w’Urwego rw’Igihugu Rushinzwe Imfungwa n’Abagororwa (RCS), SSP Pelly Gakwaya Uwera atahita yemeza ayo makuru kuko atarayamenya neza gusa ahamya ko niba koko ayo makosa yabaye abayakoze bagomba kuyahanirwa.

Abatawe muri yombi bafungiye kuri Sitasiyo ya Polisi ya Muhoza hamwe n’imodoka y’Urwego rw’Igihugu Rushinzwe Imfungwa n’Abagororwa yari iparitse imbere y’ako kabari banyweragamo.

Source:Ibicu





Tanga igitekerezo kuri iyi nkuru



Igitekerezo