Muri Rusizi abantu 41 basanganywe COVID-19 mu munsi umwe

Minisiteri y’Ubuzima yatangaje ko abantu 41 basanganywe Coronavirus mu bipimo 3495 byafashwe uyu munsi bituma umubare w’abayanduye mu Rwanda ugera kuri 582.

Minisiteri y’Ubuzima yatangaje ko abantu 41 basanganywe Coronavirus mu bipimo 3495 byafashwe uyu munsi bituma umubare w’abayanduye mu Rwanda ugera kuri 582.

Itangazo rya Minisante ryo kuri uyu wa 14 Kamena 2020 rivuga ko abo barwayi bashya basanganywe COVID-19 iterwa n’agakoko ka Coronavirus ku butaka bw’u Rwanda bakuwe mu Karere ka Rusizi.

Rivuga ko ‘‘Abaturarwanda bose barasabwa gukomeza kwitwararika.’’

Minisiteri y’Ubuzima yagaragaje ko mu masaha 24 yashize nta muntu mushya wakize, wasezerewe mu bitaro byatumye umubare w’abamaze gukira uguma kuri 332.

Ni ubwa mbere mu Rwanda habonetse abarwayi benshi banduye [41] mu munsi umwe. Umubare munini waherukaga kuboneka ku wa Gatandatu ubwo mu Rwanda habonekaga 31 basanganywe Coronavirus.

Umurwayi wa mbere wa Coronavirus yagaragaye mu Rwanda ku wa 13 Werurwe 2020, kuva icyo gihe hamaze kuboneka 582 [barimo 41 bashya] bayanduye mu bipimo 91 151 bimaze gufatwa, 332 barayikize mu gihe 248 bakirwaye naho babiri barimo umushoferi w’imyaka 65 n’umupolisikazi bitabye Imana.

Coronavirus yagaragaye bwa mbere mu Mujyi wa Wuhan mu Bushinwa mu Ukuboza 2019; kuri ubu 7 945 800 bamaze kuyandura ku Isi yose, barimo 433 992 yahitanye mu gihe 4 086 249 bamaze kuyikira.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Madame Ingabire Victoire yasatswe na Me Ntaganda ati " Ibi Perezida arabizi? Murashaka kunyica!":





Tanga igitekerezo kuri iyi nkuru



Igitekerezo