Perezida wa Botswana, Mokgweetsi Masisi yasabye abaturage be gushyira umutima mu nda nubwo hagaragaye abantu ba mbere banduye icyorezo cya Coronavirus/COVID-19.

Minisitiri w’Ubuzima muri iki gihugu, Lems Kwape, yatangaje ko hari abagenzi batatu barimo babiri bavuye muri Thailand undi mu Bwongereza bapimwe bagasanga baranduye iyo Virusi.

Perezida Masisi yatangaje ko igihugu cye cyari cyariteguye guhangana n’iyi Virusi kandi ko cyateganyije uburyo bwo gukingira abanyagihugu.

Botswana yari mu bihugu bike bya Afrika byari bitaragaragaramo icyorezo cya COVID-19 kimwe na Lesotho, ibirwa bya Comores, Sierra Leone, Sudani y’Epfo, u Burundi na São Tomé et Príncipe.

Perezida Masisi asaba abanyagihugu gukurikiza amabwiriza yo kwirinda iyo Virusi ashobora gutangazwa umwanya uwo ari wo wose n’abashinzwe ubuzima mu gihugu.

Leta ivuga ko umukuru w’igihugu ategerejwe kugeza ijambo ku baturage ayoboye kuri uyu wa Kabiri tariki ya 31 Werurwe 2020.

Ku mugabane wa Afrika hamaze kugaragara abanduye iyi Virusi basaga 5319, muri bo 330 bakaba bamaze gukira, naho174 bakaba baritabye Imana bazize iki cyorezo.

Afrika y’Epfo ni cyo gihugu gifite abantu benshi banduye iyi Virusi muri Afrika, bagera ku 1,326 , muri bo 31 barayikize, naho batatu bakaba bamaze gupfa.

Perezida wa Botswana, Mokgweetsi Masisi yasabye abaturage be gushyira umutima hamwe nubwo mu gihugu hagaragayemo abanduye icyorezo cya COVID-19 gikomeje guhekura isi

Karasira Aimable umenyerewe mu gutanga ibitekerezo mu buryo bwihariye kandi atarya iminwa by’umwihariko agamije gukosora sosiyeyi no kuyikebura ku byo abona bitagenda neza, yasobanuye impamvu yahimbiye Kizito Mihigo indirimbo yise “RIP KIZITO” anavuga ku magambo akomeye ayirimo:

---

---