Mu mvugo ikakaye  Perezida Museveni yavuze  ku gitero cyagabwe kuri Minisitiri umukobwa ahasiga ubuzima

Kuri Twitter Perezida Yoweri Museveni yamaganye cyane igikorwa cyo kugerageza guhitana Minisitiri w’Ibikorwa n’Ubwikorezi, avuga ko abamurashe ari ingurube.

Yagize ati “Ingurube zidaha agaciro ubuzima zarashe kuri Gen. Katumba zica umukobwa we n’umushoferi, na we ziramukomeretsa.”

Perezida Museveni yihanganishije ababuze ababo avuga ko ari abaturage ba Uganda babiri bapfuye.

Yavuze ko yahamagaye kuri telefoni Gen. Katumba inshuro ebyiri aho arwariye kwa muganga ngo ameze neza.

Yamwifurije gukira vuba, ariko anenga cyane ushinzwe kumurindira umutekano warashe mu kirere aho kurasa mu cyico abarashe imodoka ya shebuja.

Museveni ati “Umurinzi ntabwo yari kurasa mu kirere. Yagombaga kurasa akica. Twakagombye kubona umurambo w’ikihebe aho gukanga ibyihebe ngo bihunge.”

Kurasa k’umurinzi wa Gen. Katumba ngo byarokoye ubuzima bwe ariko bifasha “inkozi z’ikibi guhunga”.

Yavuze ko n’ubundi iyo haraswa ibyihebe byari kugira umumaro ku buzima bwa Gen Katumba Wmala yenda no ku bo bari kumwe.

Gen Wamala yumvikanye kuri video yafatiwe kwa muganga aho arwariye avuga ko yarusimbutse, asaba abaturage gusabira umukobwa we warashwe agahita apfa.

Amashusho yacicikanye ku mbuga nkoranyambaga agaragaza Gen Wamala yurizwa kuri moto ikamujyana kwa muganga.





Tanga igitekerezo kuri iyi nkuru



Igitekerezo
MWARIMU ALI Kuya 1-06-2021

Ego igihugu ciwe nikimuvuze azokira,ariko nibatohoze abagomvye kumurasa.

MWARIMU ALI Kuya 1-06-2021

Ego igihugu ciwe nikimuvuze azokira,ariko nibatohoze abagomvye kumurasa.