Mu Burundi hadutse uburyo bushya bwo  kwica abatavuga rumwe n’ubutegetsi

Ubwoba ni bwinshi mu baturage cyane cyane abo muri Komini ya Ruhororo mu Ntara ya Ngozi mu Burundi aho bavuga ko hari abantu bashinjwa amarozi nyuma bakaza kwicwa n’amasasu bemeza ko bikorwa n’urubyiruko rw’Ishyaka riri ku butegetsi muri iki gihugu ruzwi nk’Imbonerakure.

Aba baturage batangaza ibi bagendera ku kuba nta muturage usanzwe utunze imbunda bityo bakavuga ko bikorwa n’Imbonerakure mu rwego rwo kwikiza abatavuga rumwe n’ubutegetsi bwa Nkurunziza.

Batanga urugero rw’uwitwa Masunzu wo ku musozi wa Ryarunyina muuri Komini ya Ruhororo wishwe n’Imbonerakure ku wa Gatanu tariki 8 Kamena 2018 ngo akaba yarashinjwaga amarozi nk’uko bitangazwa na RPA dukesha iyi nkuru.Ngo undi muturage wishwe ni uwo ku musozi wa Taba nawe warashwe muri Mata 2018 ashinjwa amarozi.

Abaturage basaba Leta y’u Burundi kuba yakwambura izi mbunda Imbonerakure bashimangira ko ibi byose bikorwa mu rwego rwo kwikiza abatavuga rumwe n’ubutegetsi.

Mu Burundi hakomeje kuvugwa impfu za hato na hato z’abatavuga rumwe n’ubutegetsi bwa Perezida Nkurunziza sibyo gusa hari abafatwa ku ngufu ,abakorerwa iyica rubozo ndetse n’abandi bakaburirwa irengero benshi bemeza ko ibi bikorwa ahanini bigirwamo uruhari n’Imbonerakure.





Tanga igitekerezo kuri iyi nkuru



Igitekerezo
MUHIRWA Kuya 15-06-2018

Ariko wa munyamakuru we upfa iki n’Uburundi.Niwowe ariko wiyita Gitera Alpha cg Peter Mahirwe.Batuka Nkurunziza nk’abasazi.Mu Rwanda barasa abarimo amapingu ngo bashatse kurwanya Police;barakwica ngo wiyahuye;amarozi "utuzi twa Dan" uranenga ubutegetsi bakaguhimbira ibyaha