Mozambique: Hatahuwe abakozi ba baringa barenga 30 000 bahembwa na Leta

Guverinoma ya Mozambique yatahuye abakozi ba baringa barenga 30,000 ku rutonde rw’abahabwa umushahara na Leta muri iki gihugu cyugarijwe na ruswa.

Abasanzwe ku rutonde barimo abishyurwaga nta kazi bakoze, abitabye Imana n’abandi bo mu bitekerezo badahari.

Minisitiri w’Abakozi ba Leta, Carmelita Namashulua, yatangaje ko hagati ya 2015 na 2017, Guverinoma yahombye miliyoni $250.

Raporo y’Umuryango Mpuzamahanga urwanya ruswa n’Akarengane yashyize Mozambique ku mwanya wa 153 mu bihugu 180 byugarijwe na ruswa.

Minisitiri Namashulua yavuze ko imbogamizi igihugu gifite zirimo ikimenyane n’icyenewabo, ruswa mu itangwa ry’akazi mu buyobozi n’ikoreshwa ry’impamyabumenyi zififitse.

BBC yanditse ko Guverinoma yafashe icyemezo cyo gusuzuma abakozi ihemba niba bakora ndetse mu myaka ibiri, hagenzuwe 348 000. Bahamagajwe ahantu harebwa ko bahari koko, abatabonetse bagakurwa ku rutonde rw’abahembwa.

Mu ntangiriro za 2018, Guverinoma yashyizeho ingamba zo kugerageza no kugenzura ikoreshwa ry’amafaranga atangwa ku bakozi ba leta, yinjiza imisoro ingana na 55%.

PNG - 769.3 kb
Uyu ni Minisitiri w’Abakozi ba Leta muri Mozambique, Carmelita Namashulua
PNG - 1.1 Mb
Abakozi ba baringa barenga 33 000 basanzwe ku rutonde rw’abahembwa na Leta

@Umubavu.com





Tanga igitekerezo kuri iyi nkuru



Igitekerezo