Mnangagwa yayoboye bwa mbere kongere y’ishyaka rya Zanu-PF nka Perezida

Ku nshuro ye ya mbere ari Perezida wa Repubulika ya Zimbabwe, Emmerson Mnangagwa yayoboye kongere y’ishyaka riri ku butegetsi ariryo , Zanu-PF. Iyi kongere isanzwe iba buri mpera z’umwaka kuri ubu ikaba yongeye guteranira mu murwa mukuru Harare.

Iyi kongere ni iya mbere Perezida Emmerson Mnangagwa ayoboye kuva yasimbura umukambwe Robert Mugabe w’imyaka 93 y’amavuko wari umaze imyaka isaga 37 yose ari ku butegetsi kuri ubu wagiye kwivuza mu gihugu cya Singapour.

PNG - 994.3 kb
Emmerson Mnangagwa wayoboye bwa mbere kongere y’ishyaka riri ku butegetsi Zanu-PF


Ikinyamakuru cya Leta ya Zimbabwe "The Herald" cyavuze ko abantu hafi 8000 aribo biteganyijwe ko bazitabira iyi kongere imara iminsi itatu yose.

Robert Mugabe wari wanze kuva ku butegetsi anavuga ko iyi kongere yiteguye kuzayiyobora, abantu bamurabutswe mu gihugu cya Singapour avuye mu bitaro nyuma yaho akuriwe ku butegetsi n’igisirikare.

PNG - 650.1 kb
Robert Mugabe avuye mu bitaro muri Singapour

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo