Menya byinshi ku irushanwa ryo kumara amasaha 30 mu isanduku

Pariki ikunze kuberamo ibikorwa by’imidagaduro muri Leta Zunze Ubumwe za Amerika, USA, yateguye amarushanwa atangaje yo gushakisha umuntu ufite ubushobozi bwo kumara amasaha 30 mu isanduku ifunze.

Aya marushanwa yateguwe na Six Flags yo mu mujyi wa Saint-Louis muri leta ya Missouri, ateganyijwe ku itariki 13 Ukwakira 2018.

Ikinyamakuru News San-Antonio kivuga ko umuntu uzatsinda irushanwa azahembwa amadolari 300, akanemererwa kwinjira mu gice cy’iyi pariki kigenewe abanyacyubahiro.

Umuntu yemerewe kuva muri iyi sanduku igihe akeneye gukoresha ubwiherero gusa, izindi mpamvu zose zizafatwa nko gutsindwa.

Abazitabira aya marushanwa bagomba kuba bafite hejuri y’imyaka 18, bemerewe kwitwaza ibiringiti n’imisego ndetse na telefoni zigendanwa, aho bazashyirirwaho uburyo bwo kuzishyiramo umuriro.

umubavu.com





Tanga igitekerezo kuri iyi nkuru



Igitekerezo