Uyu wahoze ari Perezida wa Mali, yagarutse mu gihugu cye nyuma y’amezi hafi abiri ari kwivuriza muri Emira Zunze Ubumwe z’Abarabu.

Boubacar Keita yahiritswe ku butegetsi tariki 18 z’ukwezi kwa Munani.

Yabanje gufungwa n’agatsiko k’abasirikare kahiritse ubutegetsi mu gihe cy’ibyumweru bibiri.

Tariki 05 z’ukwezi kwa Cyenda yemewe kuva mu gihugu ngo ajye kwivuza.

Nyuma yo guhirikwa ku butegetsi, Boubacar Keita w’imyaka 75 yagize impanuka yo gucika kw’udutsi two mu bwoko (stroke/AVC).

Abasirikare bavuze ko bamwemereye kujya kwivuza “mu gihe kitarenze ukwezi” ariko gishobora kongerwa ku mabwiriza y’abaganga “ntikirenze amezi atatu, akagaruka kuvurirwa muri Mali”.

Keita yavuye mu gihugu gitegekwa na Colonel Assimi Goïta w’imyaka 37 wari ku isonga mu bahiritse ubutegetsi bwe.

Ubu yasanze Goïta ari Visi Perezida yarashyizeho na Bah Ndaw nka Perezida w’inzibacyuho.

Turumiwe!!! ABATURAGE BASOHOWE MU NZU ZIRASENYWA N’IBINTU BYOSE BITABWA HANZE N’UWO BISE UMUKIRE NONE BARATABAZA:

---

---