Mali: Ba basirikare bahiritse ubutegetsi bihaye imyaka ikomeye muri Leta nshya

Perezida w’inzibacyuho wa Mali, Bah Ndaw yashyizeho Guverinoma y’abaminisitiri 25, muri yo abasirikare bakuru bafashe imyanya myinshi ikomeye.

Mu iteka rya Perezida ryasomewUbwiyunge zahawe abakoloneri bo mu gisirikare.

Ukuriye agatsiko k’abasirikare kahiritse ubutegetsi ni we ubwe watoranyije Bwana Ndaw, na we wabaye mu ngabo zirwanira mu kirere ngo aze abe Perezida.

Nyuma y’uko bashyizeho na Minisitiri w’Intebe w’umusiviri, umuryango w’ibihugu byo mu burengerazuba bwa Afurika, ECOWAS/CEDEAO, biteganyijwe ko ukuraho ibihano byari byafatiwe Mali nyuma yo guhirika ubutegetsi mu kwezi kwa munani.

Col Sadio Camara, umwe mu bari bakuriye agatsiko kahiritse ubutegetsi, yagizwe Minisitiri w’Ingabo, naho uwari umuvugizi w’ako gatsiko Col-Maj Ismaël Wagué yagizwe Minisitiri w’Ubwiyunge.

Hari imyanya imwe ikomeye yahawe abasiviri, nk’aho uwahoze ari umushinjacyaha mukuru Mohamed Sidda Dicko yagizwe ukuriye ubucamanza.

Imyanya ine muri Guverinoma ni yo yahawe abagore, ibiri ni yo yahawe abo ku ruhande rutavuga rumwe na leta rwitwa M5, ari na rwo rwayoboye imyigaragambyo yatumye abasirikare bahirika Perezida Ibrahim Boubacar Keïta ku butegetsi.


Perezida Bah Ndaw (iburyo) na bamwe mu basirikare bafashe ubutegetsi

PAC yasohoye Gitifu wa Nyamagabe mu cyumba, icyifuzo cya Sankara kuri Rusesabagina cyashyizwe mu ngiro imanza zabo zirahuzwa kimwe n’abandi bahoze muri FLN:





Tanga igitekerezo kuri iyi nkuru



Igitekerezo