Malaysia: Abakecuru babiri bapfiriye mu kugundaguranira ibiryo by’ubuntu

Abagore babiri bageze mu myaka y’izabukuru (abakecuru) bo mu gihugu cya Malaysia, bapfiriye mu muvundano wabaye ubwo ikivunge cy’abantu bagundaniraga amatike y’ubuntu abemerera guhabwa ibiryo byagabanyirijwe igiciro.

Ku wa mbere hari amatike 200 yonyine, ariko abantu barenga 1000 ni bo bagaragaye ku isoko riremera imbere mu nzu, riri mu karere ka Pudu mu murwa mukuru Kuala Lumpur.

Ushinzwe gucunga umutekano yabwiye ibitangazamakuru byo muri Malaysia ko yumvise gutaka nuko akabona abantu basunikana.

Uwitwa Law Ion Nang w’imyaka 78 y’amavuko na Ah Poh w’imyaka 85 y’amavuko, byemezwa ko aribo bagize ikibazo cyo kunanirwa guhumeka ubwo bari bategereje ko bagerwaho.

Umwe mu bayobozi bo kuri iyo nyubako y’ubucuruzi ya Pudu Integrated Commercial Complex aho ibyo byabereye, yabwiye igitangazamakuru The Star ko byabaye mu birori byo kwizihiza itangira ry’umwaka mushya, umwaka kuri bo uzatangira mu cyumweru gitaha.

Ayo matike yo guhabwa ibiryo yari ari guhabwa abageze mu zabukuru.

Uyu muyobozi wo kuri iyo nyubako yavuze ko abantu bane bose hamwe ari bo bituye hasi muri icyo gikorwa.

Ucunga umutekano w’imyaka 62 y’amavuko utatangajwe amazina, yanabwiye igitangazamakuru The Star ko abantu bane gusa ari bo bari bemerewe kwinjira mu biro icyarimwe biyandikisha ngo bahabwe ayo matike y’ibiryo.

Yagize ati: "Ariko abari batonze umurongo barenze ku mabwiriza batangira gusunikana".

Shaharuddin Abdullah, umuyobozi wungirije wa Polisi, yabwiye ibitangazamakuru byo muri Malaysia ko imirambo y’abo bagore bombi yari iri hasi.

Bwana Abdullah yavuze kandi ko hari "abandi bantu bageze mu za bukuru bagize ibibabazo byo guhumeka".

PNG - 467.5 kb
Byabereye mu karere ko muri uyu murwa mukuru Kuala Lumpur nkuko BBC ibitangaza

@Umubavu.com





Tanga igitekerezo kuri iyi nkuru



Igitekerezo