Malawi: Abaturage bigaragambya bicishije umupolisi amabuye

Umwe mu bapolisi bo mu gihugu cya Malawi yicishijwe amabuye n’abaturage bigaragambyaga kuri uyu wa Kabiri mu gace ka Msundwe gaherereye mu burengerazuba bw’umujyi wa Lilongwe, amakuru yemejwe n’igipolisi cy’iki gihugu.

Avugana n’Ibiro Ntaramakuru by’Abafaransa, AFP, umuvugizi wa Polisi ya Malawi, James Kadadzerab yavuze ko uwo mupolisi uzwi nka Usumani Imedi yicishijwe amabuye, akicwa n’abigaragambya b’abanyabyaha.

Ni umwe mu bapolisi bari boherejwe gukumira abigaragambya mu gace ka Msundwe, aho abatavuga rumwe na Leta bari bashyamiranye n’abashyigikiye Perezida uriho Peter Mutharika.

Abatavuga rumwe na Leta bari bari kwigaragambya kuko batamera ibyavuye mu matora yabaye muri Gicurasi, aho Peter Mutharika n’ishyaka rya ari bo bayatsinze.

Polisi yagerageje gutatanya abigaragambyaga cyane cyane ku ruhande rw’abatavuga rumwe na Leta ariko nabo birwanyeho bakoresheje amabuye ari naho bayetereye umupolisi kugeza apfuye.

Ibinyamakuru byo muri icyo gihugu byatangaje ko abantu 12 batawe muri yombi ndetse ngo hari n’abandi bashobora gutabwa muri yombi.


Abigaragambya bicishije umupolisi amabuye


Abigaragambya bari bahanganye na Polisi

@Umubavu.com





Tanga igitekerezo kuri iyi nkuru



Igitekerezo