MRCD yahakanye ibivugwa ko FLN ikomeje kugaba ibitero I Nyaruguru

Kuri uyu wa 20 Ukuboza 2020, Faustin Twagiramungu, Visi-Perezida akaba n’Umuvugizi w’impuzamashyaka, MRCD atavuga rumwe n’ubutegetsi bw’u Rwanda, yihakanye itangazo ryavugaga ko umutwe urishamikiyeho wa FLN uri kugaba ibitero mu Karere ka Nyaruguru mu majyepfo y’u Rwanda.

Iri tangazo MRCD ivuga ko ryitiriwe FLN ryasohotse tariki ya 18 Ukuboza 2020. Ryagiraga riti “Ubuyobozi bwa FLN buratangariza abanyarwanda n’abanyamahanga ko imirwano ikomeje kubera mu ntara y’amajyepfo mu Karere ka Nyaruguru mu Murenge wa Nyabimata mu Kagari ka Samiyongo kuva ku italiki ya 16 ukuboza 2020…”.

Iri tangazo ryagaragazaga ko impamvu y’ibi bitero, ngo ari ugushyira ku gitutu Leta y’u Rwanda kugira ngo ifungure Visi-Perezida w’iri shyaka akaba na Perezida wa PDR-Ihumure, Paul Rusesabagina uri mu maboko y’ubutabera kuva mu mpera za Kanama.

Muri iri tangazo ryihakana iryasohotse tariki ya 18 Ukuboza 2020, MRCD yavuze ko “bigaragara ko ari itangazo rihimbano rigamije guhimbira ibyaha Rusesabagina”.

MRCD yihakanye iri tangazo nyuma y’umunsi umwe na Gen. Maj. Jeva Antoine uvugira FLN asohoye irindi tangazo “ribeshyuza iryasohotse tariki ya 18 Ukuboza”, aho yagize ati “FLN ntiyigeze yandika itangazo ku italiki ya 18 Ukuboza 20.”


Faustin Twagiramungu, Visi-Perezida akaba n’umuvugizi wa MRCD

UBUHAMYA BW’ABA BANTU BUTEYE UBWOBA, IBYO BAVUZE BAKORAGA, BARAHUNGABANA, IBYA BA BATINGANYI BIGEYE HANZE:





Tanga igitekerezo kuri iyi nkuru



Igitekerezo