Lt Col Ronald Rwivanga wo mu barindaga Perezida yagizwe Umuvugizi wa RDF

Lt Col Ronald Rwivanga wabaye mu bagize ingabo zishinzwe kurinda umukuru w’igihugu (Republican Guard), yagizwe Umuvugizi mushya w’Ingabo z’u Rwanda (RDF), umwanya asimbuyeho Lt Col Innocent Munyengango wari uri kuri uwo mwanya.

Uyu Lt Col Rwivanga yari asanzwe ari Umuhuzabikorwa w’Amasomo mu Ishuri rikuru rya Gisirikare (RDF Command and Staff College).

The New Times yanditse iyi nkuru yatangaje ko Lt Col Rwivanga yakoze indi mirimo itandukanye mu ngabo z’u Rwanda harimo no kuba umwe mu bagize ingabo zishinzwe kurinda umukuru w’igihugu (Republican Guard) ashinzwe imyitozo n’ibikorwa.

Rwivanga yabaye umwanditsi mukuru w’ikinyamakuru cy’Ishuri rikuru rya Gisirikare, Warrior Magazine. Muri gahunda y’Umuryango wa Afurika y’Iburasirazuba yo guhanahana amasomo.

Yabaye kandi ushinzwe Abakozi mu Ishuri rikuru rya Gisirikare muri Tanzania, riherereye Arusha.

Lt Col Munyengango usimbuwe kuri uyu mwanya, yagizwe Umuvugizi w’ingabo z’u Rwanda mu Ukwakira 2017, na we asimbuye Gen Maj Safari Ferdinand wari muri uwo mwanya by’agateganyo.


Lt Col Rwivanga wagizwe Umuvugizi wa RDF, yari asanzwe ari Umuhuzabikorwa w’Amasomo mu Ishuri rikuru rya Gisirikare


Lt Col Munyengango wasimbuwe yari amaze imyaka itatu ku buvugizi bw’Ingabo z’u Rwanda

Diane Rwigara aravuga ko hari umwuzukuruza w’Umwami Musinga washimuswe! Umugore yishwe arashwe n’abitwaje intwaro bateye urugo:





Tanga igitekerezo kuri iyi nkuru



Igitekerezo