Loni yatangaje ko Ibihugu 9 bya Afurika byatakaje uburenganzira bwo gutora

Umunyamabanga Mukuru wa Loni, Antonio Guterres, yatangaje ko hari ibihugu icyenda bya Afurika hamwe na Iran byatakaje uburenganzira bwo gutora mu myanzuro itandukanye y’uwo muryango kubera ko biwubereyemo amadeni.

Ibihugu biri muri Loni bigira amafaranga runaka byishyura nk’umusanzu ufasha mu bikorwa bitandukanye by’uwo muryango.

Ibihugu icumi nibyo biri ku rutonde rw’ibisabwa kwishyura uwo musanzu cyangwa bigatakaza uburenganzira bwo gutora muri Loni.

Ikinyamakuru Africa News cyatangaje ko Iran isabwa kwishyura 16.251.298$, ikurikirwa na Somalia igomba kwishyura 1.443.640$. Ibirwa bya Comores bisabwa kwishyura 871.632$, Sao Tome et Principe isabwa 829.888$, Libya irimo umwenda wa 705.391$, Congo Brazzaville isabwa 90.844$, Zimbabwe isabwa 81.770$, Centrafrique yasabwe kubanza kwishyura 29.395$, Sudani y’Epfo isabwa 22.804$ mu gihe Niger isabwa 6.733$.

Mu mategeko ya Loni, igihugu kirimo amadeni y’imisanzu cyemererwa gukomeza gutora iyo byemejwe n’inteko rusange bitewe n’uko amadeni kirimo aremereye kitabasha kuyishyura.

Kuko amadeni amwe amaze igihe, hari ibihugu bimwe byaciwe amande ku buryo hejuru y’amadeni bifite, kugira ngo bizongere guhabwa ububasha bwo gutora bizabanza kwishyura amande.

Ibyo birimo nka Congo Brazzaville yaciwe amande y’amadolari 90.844, Sudani y’Epfo yaciwe amadolari 22.804 naho Zimbabwe icibwa amadolari 81.770.

Ibikorwa bisanzwe bya Loni ku mwaka bitwara miliyari 3,2 by’amadolari, hatabariwemo ajya mu bikorwa byo kugarura amahoro bitwara miliyari 6.5 z’amadolari.

UMURAMBO WA MIRIMO WARATABURUWE||BAMWE BAHANGAYIKISHIJE N’IBYEMEZO BYO GUHAGARIKA AMASHURI

Source:Igihe





Tanga igitekerezo kuri iyi nkuru



Igitekerezo