Kiliziya Gatolika yahamagaje imyigaragambyo yo kwamagana ubutegetsi bwa Kabila

Inzego zishinzwe umutekano muri Repubulika Iharanira Demokarasi ya Congo zataye muri yombi Abapadiri 10 n’abaturage barenga 200 bari mu myigaragambyo ku munsi w’ejo tariki ya 21 Mutarama 2018 basaba Perezida Joseph Kabila kuva ku butegetsi.

BBC dukesha iyi nkuru iravuga ko Kiziya Gatolika ariyo yahamagaje iyi myigaragambyo yo kwamagana ubutegetsi bwa Joseph Kabila ishingiye ko Manda yemererwa n’amategeko yarangiranye n’umwaka wa 2016.

PNG - 923.3 kb
Kiliya Gatolika yahamagaje imyigaragambyo yitabiriwe n’Abapadiri
PNG - 619.4 kb
Abigaragambya basabwe kuza bitwaje ibiranga ko ari abayoboke ba Kiliziya Gatolika


Abantu batandatu biciwe mu murwa mukuru I Kinshasa, nyuma yuko igipolisi gikoresheje ibyuka biryana mu maso ndetse kikanarasa bamwe mu bigaragambyaga kigamije kubatatanya dore ko iyi myigaragambyo yanabaye mu duce dutandukanye tw’igihugu.

PNG - 728.5 kb
Abantu 6 bamaze kugwa mu myigaragambyo yo kwamagana ubutegetsi bwa Kabila
PNG - 683.5 kb
Igipolisi cyakoresheje ibyuka biryana mu maso gitatanya abigaragambyaga


Georges Kapiamba, uyobora Ishyirahamwe Riharanira Ubutabera muri Congo (Congolese Association for Justice) yavuganye na Radiyo Okapi, iterwa inkunga na Onu agira ati "Tumaze kumenya ko Abapadiri bagera ku icumi bafashwe, barimo Padiri Dieudonne Mukinayi wo kuri Paruwasi ya Binza Ozone. Afungiwe mu nyubako y’umuyobozi uri muri Leta kandi ari kumwe n’abandi bayoboke ba Kiliziya Gatolika umunani" .

Georges Kapiamba yakomeje agira ati "amakuru dufite nuko bakomeje guhohoterwa. Imyenda yabo yaraciwe. Ntawuzi irengero ry’Ababikira babiri, abantu 257 bari mu myigaragambyo barafashwe, bakaba bafungiwe muri za kasho zitandukanye z’I Kinshasa".

Ishyaka rya "Lay Coordination Committee", ishami rya Kiliziya Gatolika, niryo ryasabye ko haba imyigaragambyo mu gihugu cyose, kugira ngo bamagane ubutegetsi bushyire mu bikorwa amasezerano yemejwe hagati ya Leta n’amashyaka atavuga rumwe nayo tariki 31 Ukuboza 2016.

Manda ya Perezida Kabila yaragniranye na 2016 ariko aracyari ku butegetsi
Muri ayo masezerano yahagarikiwe na Kiliziya Gatolika, Kabila yategerezwaga gutegura amatora bitarenze umwaka wa 2017 nawo wirenze akaguma ku butegetsi.

PNG - 573.3 kb
Manda ya Kabila yarangiranye n’umwaka wa 2016 ariko agundira ubutegetsi

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo