Kenya: Urukiko rukuru rwateye utwatsi iby’uko umugore n’umugabo batandukanye bajya bagabana bakanganya 50/50

Urukiko Rukuru muri Kenya rwateye utwatsi ubusabe bw’Ishyirahamwe ry’abagore b’abanyamategeko muri iki gihugu (FIDA), ryasabaga ko mu gihe abashakanye batandukanye, bajya bagabana ibyo batunze byose bakanganya 50/50.

Umucamanza John Maviko, kuri uyu wa Mbere yemeje ko mu gihe abashakanye batandukanye bazajya bagabana ibyo bakoreye kuva babana.

Yagize ati “Umuntu ntashobora gushyingiranwa n’undi hanyuma nibatandukana ajyane ibirenze ibyo akwiye.”

Yakomeje avuga ko kwemera ko abashakanye bazajya bagabana bakaringaniza igihe batandukanye, byatuma abantu bazajya bashaka nyuma bagasaba gatanya kugira ngo batware ibirenze ibyo bari bafite.

Mu busabe bwa FIDA bwo mu 2016, yavugaga ko ingingo ya 45, agaka ka gatatu k’itegeko rigenga gushyingiranwa inyuranye n’Itegeko Nshinga, kuko iteganya ko mu gihe abashakanye batandukanye bagabana ibyo buri umwe yagizemo uruhare.

Itegeko Nshinga ivuga ko abashakanye abafite uburenganzira bungana. FIDA ikagaragaza ko ibyerekeye gatanya bigira ingaruka ku bagore kuko akenshi usanga ari bo bahura n’ubuzima bubi nyuma yo gutandukana n’abo bashakanye.

NkukoTuko yabyanditse, umuyobozi wa FIDA, Josephine Mong’are, yavuze ko ari umunsi ubabaje ku baturage ba Kenya bose kubera uyu mwanzuro, cyane cyane abagore batari bake.

Ubushakashatsi bw’ishami rishinzwe ubucuruzi muri Loni bwo mu 2014, bugaragaza ko muri Kenya abagore bafite umutungo ubanditseho bonyine cyangwa bahuriyeho n’abagabo babo bari munsi ya 7%.

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo
Me.Ntarugera Nicholas Kuya 15-05-2018

Mugihe batabyaranye umugabo niwe ukwiye guhabwa byinshi kurusha umugore xyertse bigaragagaye ko umugore arise wagize uruhare runini munkuzana umutungo wurugo .birakwiyenko hitabwaho kureba uruhare RWA buried wese mukuzana no kubaka umitungo wabashakanye uwazanye byinshi akaba ariwe wegukana byinshi .ariko mu gihe babyaranye kabone niyo umugore yaba yaragize uruharebruto akaba ariwe wegukana byinshi kuberanuruharebyagize two gutwita no kurera abana kuko no akazi kadasanzwe kandi gakomeye kandi kana kagabanya imbaraga zumugore zo gukora

Me.Ntarugera Nicholas Kuya 15-05-2018

Nsanga badakwiye kunganya koko ahubwo bikwiye kuba clear umugore akaba ariwe ugenerwa byinshi kurusha umugabo mugihe babyaranye kuko mugihe umugore aba atwite anarera umwana umugabo aba yidegembya nyamara kandi umugore aba akora akazi gakomeye akaba akwiye kurengerwa kandi abagabo basigarana ingufu zabo zogukora mugihe abagore baba batwita baba batakaza ingufu zo gukora