Kenya: Undi Murundi bamusanzemo Coronavirus

Mu bantu batatu bashya basanzemo Coronavirus muri Kenya, umwe muri bo ni Umurundi wageze muri iki gihugu avuye i Dubai nk’uko ushinzwe ubuzima muri iki gihugu yabitangaje.

Abandi bantu bashya bayanduye ni umugore n’umugabo baje muri Kenya bavuye i Madrid muri Espanye baciye i Dubai.

Imibare y’abanduye iyi ndwara muri Kenya igeze kuri barindwi.

Ni mu gihe kugeza ubu nta muntu ufite Coronavirus uraboneka mu Burundi

Uyu wabonetse muri Kenya yabaye umurundi wa Kabiri ubonetseho iyi ndwara nyuma y’uwabonetse ejo mu Rwanda.

Abamaze kubonwamo iki cyorezo muri Kenya bose ni abahaje bavuye mu mahanga.

Minisiteri y’Ubuzima muri Kenya ivuga ko hari abandi bantu 18 bategereje ibisubizo by’ibipimo kuri iyi ndwara.

Ivuga kandi ko hari abandi 85 ubu bari gukurikiranwa bari mu kato kuko bahuye n’umurwayi bikekwa ko yacitse ahantu bari bamushyize mu kato, nyuma agaruwe n’abashinzwe umutekano bagasanga afite iyi virus.

BBC

Baratabaza ngo kuko bari guhabwa amasezerano ya Baringa, aba ni bamwe mu bari kwimurwa I Nyarutarama, byiyumvire muri iyi Video utapfa gusanga ahandi:





Tanga igitekerezo kuri iyi nkuru



Igitekerezo