Kenya: Umwana w’imyaka 6 yasanzwe mu modoka ya Bishop yapfuye

Emmanuel Wasike w’imyaka 6 y’amavuko yasanzwe mu modoka ya Bishop w’Itorero ryitwa Ushindi Baptist church yapfuye riherereye mu gace ka Likoni kabarizwa mu mujyi wa Mombasa.

Kuri uyu wa Mbere nibwo umurambo w’uyu mwana wari umunyeshuri ku ishuri rya Amart Academy wasanzwe mu modoka ya Bishop Joseph Maisha yari iparitse muri parikingi y’urusengero rwa Ushindi Baptist.

Umushoferi w’uru rusengero niwe wasanze umurambo w’uyu mwana mu modoka ya Bishop ubwo yari agiye kureba ikibazo batiri yayo ifite, amakuru yatanzwe n’umwe mu bakozi b’uru rusengero.

Uyu mwana w’umuhungu ngo yari yaburiwe irengero ku Cyumweru nkuko ababyeyi be babitangarije ikinyamakuru Tuko dukesha iyi nkuru.

Igipolisi gikorera mu gace ibi byabereyemo cyo cyatangaje ko uyu mwana yifungiranye mu modoka bikarangira abuze umwuka wo guhumeka bigatuma apfa.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo