Kenya: Umunyeshuri wari uyoboye abandi muri Kaminuza ya Meru yishwe

Urupfu rw’umunyeshuli wa Kaminuza ya Meru yo muri Kenya rwakanguye ibimaze iminsi bivugwa ku bijanye n’ubwicanyi ndengakamere bukomeje gukorwa n’urwego rw’igipolisi.

Uyu munyeshuli witwa, Evans Njoroge yishwe arasiwe mu myigaragambyo yakozwe ku munsi w’ejo ubwo abanyeshuli bamaganaga iyongezwa ry’amafaranga y’ishuli kuri iyo kaminuza ya Meru University.

Ibinyamakuru byo muri ako gace uyu munyeshuri yiciwemo, bivuga ko igipolisi cyakurikiye Evans mu murima iwe, kimurasirayo nkuko BBC yanditse iyi nkuru ibitangaza.

Umukuru w’igipolisi Joseph Boinnet yategetse ko hakorwa iperereza ku bijanye n’urwo rupfu, mu gihe hamaze igihe abanyepolitike n’abaharanira uburenganzira bw’ikiremwamuntu basaba igipolisi guhagarika gukoresha ingufu z’umurengera.

Ibi bibaye mu gihe umuryango uharanira uburenganzira bwa muntu, Human Rights Watch (HRW) yashize ahagaragara ibyegeranyo bishya birimo ko igipolisi cyishe abantu 23 mu matora ya kabiri y’umukuru w’igihugu mu mwaka ushize.

Ku bw’icyo cyegeranyo, abashinzwe gusuzuma uburyo umuntu yapfuye, bavuga ko abenshi mu bishwe barasiwe hafi, hakoreshejwe imbunda za rutura.

Igipolisi gihakana ibi birego byose.

PNG - 819.6 kb
Evans wishwe ngo niwe wiyamamarizaga kuyobora abandi banyeshuli muri Kaminuza ya Meru

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo