Kenya:Umuganga warwanyaga urukingo  rwa Covid-19 yishwe nayo

Muganga wo muri Kenya wabaye impirimbanyi yamagana inkingo za Covid-19 akanakwirakwiza ibivugwa bitari ukuri kuri iki cyorezo, yapfuye azize iki cyorezo.

Dr Stephen Karanja yavuze ko atari ngombwa ko Abanya-Kenya bakingirwa Covid-19.

Ahubwo, yavuze ko kwiyuka no gukoresha imvange y’imiti irimo na hydroxychloroquine na zinc ari byo bikwiye gukoreshwa mu guhangana n’iki cyorezo.

Yanakwirakwije imvugo zitari ukuri (conspiracy theories), zivuga ku muherwe w’Umunyamerika Bill Gates no kugabanya umubare w’abatuye isi.

Dr Karanja yapfuye ku wa kane mu cyumba cy’indembe cyo ku bitaro byigenga byo mu murwa mukuru Nairobi.

Muri Kenya, abaturage barenga 800,000 bamaze gukingirwa Covid-19, kandi nta ngaruka zikomeye ziratangazwa urukingo rwabagizeho nk’uko BBC ibitangaza

Mbere y’urupfu rwe, Dr Karanja yari asanzwe ari umukuru w’ishyirahamwe ry’abaganga bo mu idini rya gatolika. Abarigize bavuze ko yari "umusirikare nyakuri wo mu buganga".





Tanga igitekerezo kuri iyi nkuru



Igitekerezo