Kenya: Polisi yishe irashe batatu mu bigaragambyaga

Igipolisi cya Kenya cyishe abantu batatu kibarasiye mu kivunge cy’abantu bigaragambyaga kuri uyu wa Kane tartiki ya 25 Kamena 2020 bamagana ifatwa ry’umumotari warenze ku mabwiriza yo kwirinda icyorezo cya COVID-19.

Itangazo ry’iki gipolisi rivuga ko umuntu wa mbere wapfuye ari umugabo w’imyaka 40 warashwe ubwo abandi batwara Taxi Moto barwanyaga umupolisi wari ujyanye mugenzi wabo kuri ’Station’ ya Polisi mu mujyi wa Lessos uri mu burengerazuba.

Polisi ivuga ko abigaragambya bahise buzura kuri iyo ’station’ ya Polisi batwika inzu y’uyikuriye. Barashwemo amasasu menshi hapfa abandi babiri.

Itangazo rya polisi rivuga ko "umukuru w’igipolisi cya Kenya yategetse ko umupolisi uvugwa mu kurasa abantu kwabaye afatwa agafungwa".

Abantu benshi bagaragaje akababaro batewe no gukoresha imbaraga z’umurengera kwa polisi mu kurwanya abigaragambya bikavamo gupfa kw’abantu batatu.

Kuwa kabiri, umupolisi wundi wa Kenya yarezwe mu rukiko kwica umwana w’imyaka 13 witwa Yasin Moyo, warashwe ari ku ibaraza ry’iwabo polisi iri kubahiriza amategeko y’umukwabu i Nairobi.

Duncan Ndiema uyu mupolisi uregwa yahakanye ibyaha ashinjwa.


Abapolisi ba Kenya banengwa gukoresha imbaraga z’umurengera mu kubahiriza amategeko yo kwirinda Coronavirus

Kwa Barafinda baravuza impundu ariko zicagase, ubuzima bwa Barafinda n’andi makuru menshi k’UMUBAVU TV ONLINE:





Tanga igitekerezo kuri iyi nkuru



Igitekerezo