Kenya: Abanyamakuru bahaswe igiti na Polisi hafi no kwicwa bazira kwakira utavuga rumwe na Leta

Ubwo abanyamakuru bari bagiye kwakira Dr. Miguna utavugwa rumwe na Leta ya Uhuru Kenyatta, bahaswe igiti na Polisi ya Kenya karahava bikavugwa ko itegeko ryari riturutse mu nzego nkuru za Leya iriho muri iki gihugu.

Ubusanzwe abanyamakuru ni bamwe babwira abantu ibivugwa ndetse bakanatangaza uko isi imeze muri rusange, biba byiza rero iyo umunyamakuru ageze aho inkuru iri akayitangaza ayizeye , ibi rero ni byo abanyamakuru bo muri Kenya bakoze maze bahura n’uruva gusenya barahondagurwa ubwo bari bagiye kwakira Dr Miguna ku kibuga cy’indege. Uyu Miguna ni umugabo utavuga rumwe na Leta ya Kenya.

PNG - 803 kb
Uyu munyamakuru yakomerekejwe bikomeye n’igipolisi cya Kenya azira gushaka kwakira Dr. Miguna utavuga rumwe n’ubutegetsi bwa Kenyatta


Nkuko Daily Nation yabyanditse, Abanyamakuru bari urujya n’uruza ku kibuga cy’indege higanjemo abakora mu kuri Televiziyo, Radiyo, ndetse n’abakorera ibinyamakuru byandika bose bagiye kwakira Dr Maguna ubwo yari avuye mu gihugu cya Canada, maze ku itegeko ryaturutse i bukuru, Polisi ni bwo yahabasanze ibakoramo umukwabo ibirukaho abo ifashe bakubitwa inkoni ku buryo ibikoresho bari bafite birimo Camera n’utwuma dufata amajwi (Recorders) twamenetse.

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo