Kenya: Abagabo bemerewe gushaka umubare w’abagore bashaka

Perezida wa Kenya, Uhuru Kenyatta yashyize umukono ku itegeko ryemerera abagabo bo muri iki gihugu gushaka abagore benshi nubwo iri tegeko ryakunze kunengwa n’abaharanira uburenganzira bw’abagore.

Ni mu itangazo ryaturutse muri Perezidansi ya Kenya, ryemeje ko Perezida yashyize umukono kuri tegeko rivugurura irisanzwe rigenga ishyingirwa.

Iryo tangazo rigira riti “Ugushyingirwa ni ubushake bw’umugabo n’umugore byaba Monogamy (umugabo umwe n’umugore umwe) na Polygamy (umugabo umwe n’abagore benshi).

Mu mushinga w’itegeko harimo ingingo iha umugore wa mbere uburenganzira bwo kwemerera cyangwa cyangira umugabo we gushaka umugore wa kabiri. Iyi ngingo abagabo b’abadepite bayiteye utwatsi nayo ikurwamo.

Mu kwezi gushize umunshinga w’iri tegeko ukimara kwemezwa abadepite b’abagore bari mu bawamaganye. Abandi bawamaganye harimo inama y’igihugu y’amadini muri Kenya NCCK, ihuriro ry’abagore b’abanyamategeko FIDA.

Kimwe no mu bindi bice bya Afurika, gushaka abagore benshi ni umuco umenyerewe muri Kenya, aho noneho 50% by’abaturage ari Abisilamu.

Depite Junet Mohammed (umwisilamu) ati "Iyo ushatse umugore wa mbere agomba kumenya ko uwa kabiri n’uwa gatatu bari mu nzira”.

Depite Muhammed yabivugiye mu nteko ubwo baganiraga kuri uyu mushinga waje guhinduka itegeko.

PNG - 397.3 kb
Perezida Kenyatta yasinye itegeko ryemerera abagabo gushaka abagore benshi

@Umubavu.com





Tanga igitekerezo kuri iyi nkuru



Igitekerezo