Kayonza: Umugore yiyahuye nyuma y’amezi arindwi arongowe

Kuri iki Cyumweru tariki ya 30 Kanama 2020, umugore wo mu Karere ka Kayonza witwaga Izimungu Divine wari ufite imyaka 23 y’amavuko wari umaze amezi arindwi arongowe yasanzwe mu mugozi iwe mu cyumba yapfuye bikekwa ko yiyahuye.

Ibi byabereye mu Mudugudu wa Rwagatera mu Kagari ka Kirehe mu Murenge wa Kabare mu Karere ka Kayonza ahagana saa Tanu z’amanywa.

Amakuru aturuka mu baturage avuga ko uyu mugore bikekwa ko yiyahuye ngo yabanje gutira agatebe gato mu baturanyi barakamwima bigakekwa ko ari ako yashakaga guhagararaho yimanika, nyuma ngo binjiye mu nzu basanze yahagaze ku ijerekani.

Umunyamabanga Nshingwabikobwa w’Umurenge wa Kabare, Semugeshi Mberwa, yabwiye IGIHE dukesha iyi nkuru ko uyu mugore yari amaranye amezi arindwi n’umugabo we ndetse ngo nta makimbirane na make bari bagiranye.

Yagize ati “Bari bamaranye amezi arindwi bashakanye n’umugabo we nubwo batari barasezeranye, uyu munsi mu gitondo umugabo yabyutse atembera mu gasantere bisanzwe agarutse ahura n’undi muntu wari uvuye iwabo [umuturage ufite ubumuga bw’ubugufi] arahamagara abura umwitaba, kuko ari inzu nto y’icyumba na salon arebyemo abona umuntu aranagana mu mugozi niko kwinjira asanga ni uwo mugore.”

Gitifu Semugeshi yakomeje avuga ko umugabo nawe yahise ahagera aca wa mugozi ngo atabare umugore we ariko asanga yarangije gushiramo umwuka, umugabo w’uyu mugore ngo yabwiye ubuyobozi ko nta kibazo na kimwe yari afitanye n’umugore we kuko bari bamaranye amezi arindwi yonyine.

Nyuma y’uku kwiyahura abaturage batanze amakuru ko ngo yabanje kugaragaza ibimenyetso ubwo yazengurukaga atira agatebe gato akabwira abantu ko agakeneye cyane ariko akakabura.

Umurambo wa nyakwigendera wajyanywe mu Bitaro bya Rwinkwavu gukorerwa isuzumwa mbere yo gushyingurwa.

Si uyu muturage gusa wiyahuye mu Murenge wa Kabare kuko no ku munsi wari wabanje nabwo hari habonetse umugabo wiyahuye nyuma yo gukeka ko umugore we amuca inyuma.

Umwana w’umudipolomate yamennye amabanga y’ukuntu se yamushutse bakamushimuta, iyumvire muri iyi Video byose:





Tanga igitekerezo kuri iyi nkuru



Igitekerezo