Kuri uyu munsi wo kuwa gatatu nibwo Ishyaka riharanira Demokarasi n’ibidukikije(DGPR)ryari ririmo kwiyamamaza mu Akarere ka Kayonza mu Umurenge wa Kabarondo,hamwe n’umurenge wa Mukarange,kumwanya w’abakandida munteko nshingamategeko,mumatora azaba kuya 03 nzeri muri uyumwaka w’2018 rijeje abanyakayonza ko nibaritora rizakora ubuvugizi leta ikagura icyogajuru cyo kurinda umutekano.

Ubwo Abakandida bari barimo kwiyamamaza muri ako karere bagaragariza abaturage imigabo n’imigabi bazabagezaho babasaba kubashyigikira bakajya munteko nshingamategek kuko babafitiye imigabo n’imigambi.

Umuyobozi mukuru w’Ishyaka DGPR yakomeje gusobanurira abaturage ibyo azabagezaho nibabagirira icyizere bagatora Ishyaka DGPR.Yijeje abaturage ko nibatora ishyaka rye bazakora ubuvugizi leta ikagura Icyogajuru kizabafasha kurinda umutekano w’Igihugu neza kandi ko igihugu kizagira umutekano hamwe n’abaturage bacyo.
Yagize ati, “ nimutugirira icyizere mukadutora tuzabakorera ubuvugizi Leta igure icyogajuru kizadufasha kurinda umutekano, “

Yakomeje yizeza abaturage ko azabikora ngo kuko hari ahandi yabibonye kandi ngo ko bamubwiye ko bazabimufashamo kuzana Icyogajuru.

Yakomeje anavuga ko nibamugirira icyizere bagatora DGPR ko bazakora ubuvugizi urukiko rw’ikirenga rukagira ubushobozi n’ ububasha,anavuga ko hakwiye gushyiraho ikigega cyunganira abarwayi mu gihe umuntu agiye kwivuza hanze yigihugu ntabushobozi bajya bamuvuza bayavanye muri icyo kigega,ari na bwo yavuze ko mu gihe hishyuwe Mitiweli murugo bose batararangiza abishyuye bagiye bahita bivuza mu gihe abandi batari bayabona,akomeza anavuga ko abantu bidakwiye ko bategereza ukwezi ngo gushire bamaze kuyatanga bahita bivuza.

Umuyobozi mukuru w’Ishyaka DGPR yakomeje ashimira abaturage ba Kayonza,n’uburyo baje kumwakira n’abayobozi baho anabasaba ko kuri iriya tariki bazatora ahari ikirango k’inyoni ya Kagoma akaba ariho bashyira igikumwe cyabo anabasabira amahoro n’imigisha.

Ishyaka riharanira demokarasi no kurengera ibidukikije muri aya matora y’abadepite rifitemo abakandida i 32 Abagabo ni 18 Abagore ni 14, rikaba rikomeje ibikorwa byo kwiyamamaza aho bazongera kubisubukura kuri uyu wa gatanu muntara y’iburengerazuba mu karere ka Rubavu na Nyabihu.

---

---