Iyi ni intangiriro y’iherezo rya Trump-Bernie Sanders

Amaze gutsinda mu matora y’ibanze y’uzahagararira ishyaka ry’Abademokarate mu matora ya Pereziza wa Amerika, muri Leta ya New Hampshire, Bernie Sanders yabonye intsinzi mu ijoro ryabaye ribi kuri Joe Biden wahoze ari Visi-Perezida wa Amerika.

Sanders yatangaje ko iri joro "ari intangiriro y’iherezo" rya Bwana Trump.

Mu mpera z’icyumweru gitaha, aya matora azakomereza muri Leta ya Nevada.

Mu majwi, inyuma y’uyu musenateri haje Pete Buttigieg wahoze ari Mayor wa South Bend muri Indiana n’umusenateri wa Leta ya Minnesota witwa Amy Klobuchar watunguranye akaba uwa Gatatu.

Joe Biden ubusanzwe uhabwa amahirwe mu bademokarate yafashe umwanya wa Gatanu.

Muri iyi Leta hatoye abademokarate bagera ku 280,000 mu ijoro ryo kuri uyu wa Kabiri, Bwana Sanders w’imyaka 78 yabonye amajwi 26%.

Mu kwishimira intsinzi, Sanders yagize ati "Iyi ntsinzi ya hano ni intangiriro y’iherezo rya Donald Trump".

Sanders yavuze ko agiye kubaka Politiki ihuriyemo amoko yose izashobora gutsinda Abarepubulikani.

Iyi ntsinzi izaha Bwana Sanders icyenda mu ntumwa 24 zizahagararira New Hampshire mu matora rusange yo mu kwezi kwa Karindwi y’ishyaka ry’Abademokarate.

Aya matora ajyamo abahagarariye za Leta, ni yo agena uzahagararira iri shyaka mu matora y’umukuru w’igihugu azaba mu kwezi kwa 11.

Nubwo Bwana Buttigieg yagize amajwi macye kuri Sanders, na we ayo yabonye amwemerera kubona itumwa icyenda nk’iza Sanders.

Ni yo mahirwe ya nyuma ya Biden?

Kuva yakwinjira muri aya mahiganwa mu kwezi kwa Kane 2019, Bwana Biden ni we wahabwaga amahirwe agera kuri 41%.

Biden w’imyaka 77, yabaye uwa Kane muri Leta Iowa, abamushyigikiye bagabanutseho 20% muri Amerika bituma ajya inyuma ya Sanders ku nshuro ya mbere.

Biden aracyakomeje guhatana kuko hari umubare munini w’intumwa zitaratora muri Leta zitandukanye.

Aba bakandida bazakurikizaho guhatana muri Leta za Nevada na South Carolina muri uku kwezi.

Mu kwezi kwa Gatatu ku munsi bise "Super Tuesday" tariki 15/03 ni bwo hazaba itora rikomeye muri Leta 15 aho hazatora intumwa zigera ku 1,344.

Uzahagararira Abademokarate mu matora azatangazwa mu nama rusange y’iri shyaka mu kwezi kwa Karindwi izabera i Milwaukee muri Wisconsin mu kwa Karindwi.


Bernie Sanders yarushije abandi bakandida muri leta ya New Hampshire

Irebere na Video utapfa gusanga ahandi: Uwumva ko azafashwa n’umututo w’imbunda ashyire agapira hasi, hagiye gupfa abantu batanu bakomeye kuri iyi si, n’ibindi byose Barafinda yavuze, ni muri iyi Video:





Tanga igitekerezo kuri iyi nkuru



Igitekerezo