Insengero zirakomeza gufunga, ingendo zijya n’iziva Rubavu ziremewe

Mu gihe ku mbuga nkoranyambaga hari hashize iminsi yakwirakwijwe amafoto agaragaza uburyo zimwe mu nsengero ziri kwitegura kuba zakomorerwa zikongera gusengerwamo, Inama y’Abaminisitiri yo kuri uyu wa Kabiri tariki ya 30 Kamena 2020, yarangiye yanzuye ko insengero zikomeza gufungwa mu gihe yasubukuye ingendo zijya n’iziva Rubavu.

Iyi Nama yo kuri uyu wa Kabiri yari iyobowe na Perezida Paul Kagame, yize ku ngingo zitandukanye zirimo iyo guhagarika ikwirakwira ry’icyorezo cya COVID-19 gikomeje gufata indi ntera mu Rwanda, ifata imyanzuro itandukanye.

Inama y’Abaminisitiri iheruka yari yafashe icyemezo cyo guhagarika ingendo zijya cyangwa ziva mu karere ka Rubavu na Rusizi, kuri iyi nshuro ingendo hagati y’Akarere ka Rubavu n’utundi turere zasubukuwe ariko ingendo hagati ya Rusizi n’utundi turere zirabujijwe kereka ku makamyo atwara ibicuruzwa.

Kuri uyu wa Kabiri tariki ya 30 Kamena 2020, mu Rwanda hagaragaye abantu 24 barimo ab’i Rutsiro na Nyagatare banduye Coronavirus, bane barayikira.

Minisiteri y’Ubuzima yatangaje ko aba bantu banduye Coronavirus bagaragaye mu bipimo 3,694 byafashwe kuri uyu wa 30 Kamena 2020.

Byatumye abamaze kwandura Coronavirus mu Rwanda bagera kuri 1025 mu bipimo 14,3943 bimaze gufatwa. Abamaze gukira COVID-19 ni 447.

Isomere Ibyemezo by’Inama y’Abaminisitiri yo kuri uyu wa Kabiri tariki ya 30 Kamena 2020:

Ben Rutabana wo muri RNC ya Kayumba Nyamwasa ngo afungiye muri Uganda neza, Dr Kayumba agiye kugaragara imbere y’urukiko, Iperereza i Kigali kuri Kabuga Felicien:





Tanga igitekerezo kuri iyi nkuru



Igitekerezo