Ingorane zikomeye kuri Kompanyi ya Huawei yabujijwe gukoresha ’Android’

Kompanyi y’ikoranabuhanga ya Google yo muri Leta Zunze Ubumwe za Amerika yabujije Huawei ikora Telefone zigezweho gukoresha uburyo bushya bwayo bwa Android, ibi bikaba ari ingorane kuri iyi kompanyi y’Abashinwa yabujijwe zimwe muri "Applications" za Google.

Ni mu gihe intambara y’ubucuruzi hagati y’u Bushinwa na Amerika irimbanyije.

Mu cyumweru gishize, ubutegetsi bwa Perezida Donald Trump wa Amerika bwashyize Huawei ku rutonde rwa kompanyi zibujijwe gukoresha ikoranabuhanga rya Amerika zidahawe uburenganzira n’ubutegetsi bw’iki gihugu.

Google yasohoye itangazo ivuga ko Huawei igomba gukurikiza amabwiriza. Huawei yo yanze kugira icyo itangaza kugeza ubu.

Ubwo Google izavugurura uburyo bwayo Telefone zigezweho zikoresha bwitwa Android, abakoresha Telefone za Huawei ntabwo bazabasha kububona.

Hari izihe ngaruka ku bakiliya ba Huawei?

Mu byo abakoresha Huawei bazabura, harimo YouTube, Gmail ndetse na serivisi z’amakarita (Maps).

Ben Wood, umuhanga mu by’ikoranabuhanga wo mu kigo CCS Insight consultancy, yabwiye BBC ko iki cyemezo cya Google gifite ingaruka zikomeye ku bucuruzi bwa Huawei.

Ku wa gatandatu, Ren Zhengfei, umuyobozi mukuru wa Huawei, yabwiye ibitangazamakuru byo mu Buyapani ko bari biteze ibi bikorwa bya Amerika.

Yemeje ko iyi kompanyi yatangiye kwishakira ibisubizo byayo.
Leta y’u Bushinwa mu kuneka abantu, iyi kompanyi ikaba ibihakana yivuye inyuma ikemeza ko itagengwa na Leta.

Imibare yo mu kwezi kwa munani umwaka ushize y’ikigo cya International Data Corporation (IDC) cyo mu Bushinwa, ivuga ko Huawei yaciye kuri Apple y’Abanyamerika ijya ku mwanya wa kabiri muri kompanyi zikora zikanacuruza Telefone nyinshi ku isi.

Ibi ni ubwa mbere byari bibayeho mu myaka umunani ishize.

Samsung, y’Abanyakoreya y’Epfo, ni yo ikiri ku mwanya wa mbere.

@Umubavu.com





Tanga igitekerezo kuri iyi nkuru



Igitekerezo