Imva ya Radio yafatiweho umugore ayikoreraho imihango ya gipfumu

Igipolisi cya Uganda cyataye muri yombi umugore utatangajwe amazina ubwo yasangwaga ahagaze ku mva ishyinguyemo Mowzey Radio ayikoreraho imihango byaketswe ko ari iya gipfumu.

Uyu mugore ubwo yafatwaga, nk’uko ikinyamakuru cyo muri Uganda Ugbliz kibitangaza, ngo yatangaje ko yari inshuti ya Radio ariko bakaba baramusanze abyina kuri iyo mva anafite ibyatsi, bikekwa ko yaba ari imihango ya gipagani (gipfumu) yayikoreragaho.

PNG - 584.9 kb
Uyu mugore niwe watawe muri yombi nyuma yo gusangwa abyinira ku mva ya Radio


Mu kwiregura kwe uyu mugore kandi yatangaje ko yari aje gusengera Radio yita ko yari inshuti ye magara ko yakekaga ko yaba yaragiye atejejwe.

Mu ijoro ryo ku cyumweru rishyira ku wa Mbere tariki ya 5 Gashyantare, ubwo uyu mugore yafatwanaga n’abandi bantu, yashimangiye ko ari amasengesho bahakoreraga mu gihe nyina wa Radio we avuga ko afite impungege z’abantu bakomeje kujya ku mva y’umuhungu we wapfuye hagakekwa ko baba barimo kujya gukoreraho imihango ya gipagani ishobora kugira izindi ngaruka ku muryango we wasigaye.

Nyuma yo gutabwa muri yombi, uyu mugore yafungiwe kuri Sitasiyo ya Polisi ya Nakawuka mu gihe iperereza rigikorwa ngo hamenyekane icyamugenzaga kuri iyi mva.

Iyumvire hano ibyo uyu mugore wafatiwe ku mva ya Radio avuga:

https://www.youtube.com/watch?v=MtA_zSLIvTs

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
God frey Kuya 7-02-2018

nibamufunge uwo numurozi kabisa.

Faida Kuya 7-02-2018

uwo mudamu abasuzugu ye umuryango waradio ingingo 205 iravugango bamuhe imyaka 5 kumanura ibyo nagasuzu guro kbs