Impunzi ziba muri Israeli zahawe iminsi 90 ngo zibe zavuye mu gihugu

Igihugu cya Israeli cyahaye impunzi zibariwa mu bihumbi mirongo zituruka muri Afrika, iminsi 90 ngo zibe zavuye mu gihugu bitaba ibyo zigatabwa muri yombi.

Impunzi zigera kuri 38000 ntizashoboye kwemererwa ubuhungiro, abenshi muri bo bagaturuka muri Eritrea na Sudani, bagasabwa gusubira mu bihugu by’amavuko cyangwa bakemera kujya kuba mu Buganda no mu Rwanda.

Bahawe amafaranga yo kwifashisha angana n’amadolari 3500$ ku muntu, kugira ngo bashobore kugenda.

Iryo tegeko ntirireba abana, abasaza cyangwa abagizwe abashumba b’amatorero atandukanye.

Kuri izi mpunzi zivuzwe haruguru, ubutegetsi bwa Israeli buvuga ko uko kuva mu gihugu, bizakorwa ku bushake.

Ikigo cya ONU gifasha impunzi n’ibigo biharanira uburenganzira bw’ikiremwamuntu, bavuga ko iyo ngingo ihonyora amategeko mpuzamahanga.

PNG - 813.5 kb
Impunzi zikomoka muri Afurika zigabye mu mihanda zamagana kwimurirwa mu bindi bihugu

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo