Imiryango 37 irasaba iperereza ku rupfu rwa Kizito

Imiryango 37 itegamiye kuri leta y’ahatandukanye ku isi yasabye abategetsi b’ibihugu bya Commonwealth gusaba leta y’u Rwanda kwemera ko haba "iperereza ryigenga, kandi ritabogamye" ku rupfu rwa Kizito Mihigo.

Iyi miryango ivuga ko isaba ibi uyu munsi (tariki 08 - 03 - 2021) hizihizwa "Commonwealth Day" kandi abo bategetsi bitegura guhurira i Kigali mu kwezi kwa gatandatu.

Mu kwezi kwa kabiri 2020 urwego rushinzwe iperereza ku byaha (RIB) rwatangaje ko Kizito Mihigo umwe mu bahanzi bari bakunzwe cyane mu Rwanda yapfuye ari muri Kasho ya polisi i Kigali.

Abategetsi ku ruhande rw’u Rwanda bagiye batangaza ko leta ishoboye gukora iperereza kuri urwo rupfu, ndetse leta yatangaje ibyarivuyemo.

Ibaruwa y’iyi miryango iharanira uburenganzira bwa muntu irimo iyo muri Australia, Bangladesh, Ethiopia, Kenya, Maldives, America n’iyindi, ivuga ko "hari impamvu zo gushidikanya ibyavuzwe" na leta nk’uko bitangazwa na BBC.

Ivuga ko "abatavugarumwe na leta bahunze n’abandi bayinenga, kenshi bagiye bibasirwa", kandi ko mu myaka ya vuba hari "ababuriwe irengero n’abasanzwe bapfuye mu buryo budasobanutse".

Iyi miryango inenga ko mbere y’uko haba iperereza, uwari umuvugizi wa RIB "Marie Michelle Umuhoza yabwiye ibinyamakuru ko Kizito Mihigo yiyahuye akoresheje amashuka".





Tanga igitekerezo kuri iyi nkuru



Igitekerezo
Rwanda Kuya 9-03-2021

Urupfu rwo kwiyahuza amashuka mu batavuga rumwe na leta nirwo rubica ibyo Iyo miryango isaba rero izavuga nirambirwa irekeraho ari abandi byo byashoboka ariko twe nk u Rwanda twahisemo kwiheba ntitujya dutinya abavuga ibi dukora