Igitero cya  Grenade cyagabwe  ku basirikare ba Uganda,babiri barakomereka bikomeye

Abasirikare babiri ba Uganda bakomerekejwe bikomeye n’igitero cya Grenade cyabagabweho mu gace ka Rwenshama mu Karere ka Rukungiri ku wa Kabiri tariki 3 Nyakanga 2018.

Nubwo amazina y’abakomerekeye muri iki gitero atigeze atangazwa,Umuvugizi w’Igisirikare cya Uganda , Brig. Richard Karemire yemeje aya makuru ndetse yongeraho ko abakomeretse barindaga umutekano mu kiyaga cya Edward nk’uko bitangazwa na New Vision.

Brig. Richard Karemire akomeza avuga ko abagabye iki gitero ari bantu bitwaje intwaro bateye Grenade mu bwato aba basirikare barimo ati’’Twakajije umutekano ari nako duhiga abagizi ba nabi’’

Agace ka Rwenshama kazwiho uburobyi kakaba kari hafi y’umupaka wa Repubulika Iharanira Demokarasi ya Congo.





Tanga igitekerezo kuri iyi nkuru



Igitekerezo