Ambasade y’u Rwanda muri Singapore yashyize hanze itangazo rivuga ko ibirego by’uko yinjiza intasi zigamije kwibasira abarwanya ubutegetsi bw’u Rwanda ari ibigamije gusebya Leta.

Muri iki gihe, hari ibirego ko za Ambasade z’u Rwanda zinjiza intasi zigamije kwibasira abatavuga rumwe n’ubutegetsi bw’iki gihugu.

Muri iri tangazo ryo ku wa Mbere tariki 7 Ukuboza 2020, nkuko The Eastafrican ibitangaza, Ambasade ivuga ko "ibi birego bigamije gusebya Guverinoma y’u Rwanda."

Ku wa 12 Ukwakira 2020 nibwo The Sydney Morning Herald yatangaje inkuru yanditswe na Anna Patty na Leon Hartwell, ivuga ko yubakiye kuri Zihabamwe ushinja Leta y’u Rwanda kumutera ubwoba nyuma yo kwanga kuyibera maneko.

Nyuma y’iminsi itanu, ku wa 17 Ukwakira, iyo nkuru yongeye gutangazwa na ABC News ku izina rya Andrew Greene.

Noel Zibahamwe yageze muri Australia mu 2000, aza kubona ubuhungiro. Mu buhamya bwe avuga ko ‘bamwe mu bagize umuryango w’Abanyarwanda baba muri Australia bafite ubwoba bw’abo mu miryango yabo bicirwa mu Rwanda bitewe n’uburyo ubutegetsi bukoresha bucecekesha ababunenga baba mu mahanga’.

Yavuze ko intasi z’u Rwanda zicungwa na Ambasade y’u Rwanda muri Singapore kuko nta Ambasade y’iki gihugu iri muri Australia.

Zihabamwe Noel avuga ko ikibazo cye gifite imizi mu myaka itatu ishize, ubwo yitabiraga inama yabereye i Sydney mu 2017, inama avuga ko ariyo yaterewemo ubwoba ubwo yari ayirimo.

Ambasade y’u Rwanda muri Singapore ivuga ko nta muyobozi wayo wigeze atera ubwoba Umunyarwanda uwo ariwe wese, muri icyo gikorwa cyitabiriwe n’ibihumbi by’abantu barimo Abanyarwanda baba muri Australia n’inshuti zabo.

Muri iri ritangazo nkuko inkuru ivuga, Ambasade ivuga ko Zihabamwe ari umuntu "Ukora hasi hejuru ngo ahungabanye ubutegetsi bw’u Rwanda."

Zihabamwe ngo aba muri RNC (Rwanda National Congress) irwanya ubutegetsi bw’u Rwanda.

Yateye kandi utwatsi ibirego bya Zihabamwe uvuga ko abavandimwe be babiri bashimuswe.

Ambasade ivuga ko Zihabamwe afite abavandimwe benshi mu Rwanda kandi ngo batekanye nta kibazo bafite.

Ambasade ivuga ko irajwe ishinga n’iterambere n’umutekano haba ku Banyarwanda bari mu gihugu cyangwa hanze yacyo.

Zihabamwe Noel ushinja Leta y’u Rwanda kumutera ubwoba nyuma yo kwanga kuyibera maneko

KARASIRA AIMABLE WAHAMAGAJWE NA RIB IKAMUHATA IBIBAZO HAFI UMUNSI WOSE YATUBWIYE IBYO YAMUBAZAGAHO, PASITERI YOGOSHE ABAKOBWA KU MYANYA Y’IBANDGA BIVUGISHA BENSHI N’ANDI MAKURU MENSHI K’UMUBAVU TV ONLINE:

---

---