Tanzania: Ibihugu 10 byasabye ko hazabaho amatora yo kwizerwa

Abahagarariye ibihugu 10 muri Tanzania basabye ko amatora yo mu kwezi gutaha kwa cumi yazaba "mu bwisanzure no mu mucyo".

Ku munsi w’ejo ku wa Gatatu, umuryango uharanira uburenganzira bwa muntu, Human Rights Watch (HWR), watangaje ko leta ya Tanzania yongereye ibikorwa byo gukandamiza amashyaka atavuga rumwe na leta n’imiryango itegamiye kuri leta mu gihe amatora yimirije.

Izo Ambasade z’ibihugu by’amahanga zatangaje ko gucungira umutekano abazahatana mu matora bose no kutabogama kw’inzego zishinzwe amatora "bizongerera imbaraga kwemerwa kw’ibyavuye mu matora".

Iryo tangazo rihuriweho ryasohowe n’Ambasade zihagarariye Canada, Norvège, Suède, u Busuwisi, u Bubiligi, Denmark, Finland, u Budage, Ireland n’u Buholandi.

HRW yavuze ko ko guhera hagati mu kwezi kwa Gatandatu, abantu batari munsi ya 17 b’abayoboke b’amashyaka atavuga rumwe na leta n’abayinenga batawe muri yombi.

HRW isanga atari ibintu byapfuye kuba gutyo gusa mu buryo bw’uruhurirane kuba leta ya Tanzania yarongereye ibikorwa by’ikandamiza no kuba amatora yo mu kwezi gutaha kwa cumi yegereje.

Yongeyeho ko imiryango imwe yagiye ijya kuba indorerezi mu matora yabanje, ubu noneho akanama k’amatora ka Tanzania kayibujije kujya kuba indorerezi.

Perezida John Magufuli, wageze ku butegetsi mu mwaka wa 2015, arimo guhatanira manda ya kabiri y’imyaka itanu.

Si benshi mu bakurikiranira hafi politike ya Tanzania biteze ko aya matora azaba mu mucyo no mu bwisanzure.


Perezida John Magufuli arimo guhatanira manda ya Kabiri y’imyaka itanu

Umuhungu wa Rusesabagina ngo agiye gukora ibishoboka byose yisubize Se, Ben Rutabana byavuzwe ko yishwe n’u Rwanda ameze neza aho ari muri Uganda:





Tanga igitekerezo kuri iyi nkuru



Igitekerezo