Huye: Mu mvura idasanzwe inkuba yakubise abantu batatu umwe arapfa inasenya amazu

Ku mugoroba wo kuri uyu wa Kane tariki ya 19 Mata 2018, mu Karere ka Huye haguye imvura idasanzwe yarimo n’inkuba zidasanzwe zakubise abantu batatu umwe agahita ahasiga ubuzima itaretse no gusenya amazu y’abaturage.

Iyo mvura yaguye hagati ya saa Cyenda na saa Kumi n’ebyiri z’umugoroba, yakubise umuhungu w’imyaka 12 wo mu Mudugudu wa Rwinuma mu Murenge wa Mukura wari uvuye kwahira icyarire ahita apfa.

Mu Murenge wa Kinazi naho inkuba yakubise abakozi babiri b’umuryango wa Compassion, bari ku kazi umwe ntiyagira icyo aba undi ajyanwa kwa muganga.

Muri iyi mirenge kandi imvura yaguye yari nyinshi ku buryo yangije ibintu byinshi.

Umunyamabanga nshingwabikorwa w’uyu Murenge wa Kinazi, Prosper Rwamucyo avuga ko haguye imvura y’amahindu ku buryo yangije byinshi.

yagize ati "kugeza ubu tumaze kumenya ko hari ibiti byaguye mu mihanda n’amazu 24 arasenyuka".

Mu Murenge wa Mukura ho haraye hangiritse amazu atanu, harimo ane yavuyeho ibisenge n’imwe yangiritse igisenge n’urukuta.

PNG - 1.2 Mb
Iyi mvura yanasenye ibintu byinshi birimo amazu


Ibi bibaye nyuma y’uko kuva mu kwezi kwa Werurwe imvura y’itumba yatangira kugwa, mu Karere ka Huye yari yangije amazu 112 harimo 63 yo mu Murenge wa Karama, 27 yo mu Murenge wa Mukura n’andi yo mu Mirenge ya Kinazi, Rusatira, Huye, Rwaniro na Simbi.

Iyo mvura yari yatumye hakomereka abantu batandatu mu buryo budakabije, kuko bavuwe bagakira. Muri abo batandatu kandi harimo umwe wakubiswe n’inkuba wo mu Murenge wa Huye.

Imvura yaguye muri ibi bihe kandi, yatumye umugezi wa Mwogo wuzura, wangiza ibigori bihinze kuri Hegitari 10 mu Murenge wa Kigoma.

@Umubavu.com





Tanga igitekerezo kuri iyi nkuru



Igitekerezo
Uganda Kuya 21-04-2018

Abobahuye nibyobibazo byogusenyerwa nimvura bakomeze kwihangana
Nabo bangirikishije ibigori pole ibyobirasazwe imvuriyiguye much henkiki kitumba mwogo yangizibihigwa about bagizibyobibazo bacyeneyubufasha

Rishari Kuya 21-04-2018

Yewe amaherezo inkuba niyo izaba imperuka ya isi ntakundi twabigenza uwo wapfuye Imana imwihere iruhukoridashira nabasigaye bakomeze kwihangana. GS tugomba gushakisha ingufu zose zishoboka twakwirindamo inkuba ,Murakoze.0782584416

Rishari Kuya 21-04-2018

Yewe amaherezo inkuba niyo izaba imperuka ya isi ntakundi twabigenza uwo wapfuye Imana imwihere iruhukoridashira nabasigaye bakomeze kwihangana. GS tugomba gushakisha ingufu zose zishoboka twakwirindamo inkuba ,Murakoze.0782584416

Rishari Kuya 21-04-2018

Yewe amaherezo inkuba niyo izaba imperuka ya isi ntakundi twabigenza uwo wapfuye Imana imwihere iruhukoridashira nabasigaye bakomeze kwihangana. GS tugomba gushakisha ingufu zose zishoboka twakwirindamo inkuba ,Murakoze.0782584416

Mugande john Kuya 21-04-2018

mwihangane uwiteka atabarakumunotawanyuma