Havumbuwe uburyo bwo gukora amatafari mu nkari z’abantu yuma adatwikiwe mu ifuru

Muri kaminuza ya Cape Town muri Afurika y’epfo abanyeshuri bavumbuye uburyo bushya bwo gukora amatafari hakoreshejwe inkari z’abantu akuma bitabaye ngombwa ko atwikwa mu birombe ngo hasohoke umwuka wangiza ikirere.

Aba banyeshuri bo muri iyi kaminuza bavuga ko bamaze gukora amatafari bifashishije inkari bakuye mu bwihagariko bw’abagabo (urinoire) bazivanga n’umucanga ndetse n’udukoko (bacteria) dufasha amatafari gukomera mu buryo bw’umwimere atabanje gutwikwa.

Aba banyeshuri bakomeza bavuga ko umusemburo utandukanya ibigize inkari maze bigatanga ikinyabutabire (calcium carbonate) gifasha mu gufatanya ibigeze itafari byose ku buryo bw’urutare hakaboneka itafari.

Ubu buryo bushobora kuzasimbura ubundi bwari busanzwe bukoreshwa mu kubumba amatafari kuko bwasabaga kubanza kuyatwikira mu ifuru hakaboneka imyotsi myinshi igizwe n’ibinyabutabire byanduza ikirere.

Avabenyeshuri 2 bavumbuye ubu buryo Vukheta Mukhari na Suzanne Lambert niho bahera bavuga ko amatafari yabo ari inshuti nziza y’ibidukikije ko akwiye kuyobokwa na benshi.





Tanga igitekerezo kuri iyi nkuru



Igitekerezo