Guinée équatoriale yirukanwe umurundikazi uhagarariye OMS

Leta ya Guinée équatoriale yategetse uhagarariye Ishami ry’Umuryango w’Abibumbye ryita ku buzima (OMS/WHO) kuva muri icyo gihugu.

Ibiro ntaramakuru AFP bisubiramo amagambo akubiye mu nyandiko ya Minisiteri y’Ububanyi n’Amahanga ndetse n’ibyavuzwe n’umukozi wo muri OMS.

Leta ya Guinée équatoriale ishinja Dr Triphonie Nkurunziza "gutanga imibare itari ukuri" ijyanye n’uko icyorezo cya Coronavirus gihagaze mu gihugu.

Amagambo ya Pascual Obama Asue, Minisitiri w’Intebe wa Guinée équatoriale, yagejeje kuri Sena ku wa Gatanu ushize akaza no gutangazwa kuri Televiziyo y’igihugu, yasubiwemo agira ati "Nta kibazo dufitanye na OMS, dufitanye ikibazo n’uhagarariye OMS i Malabo [umurwa mukuru wa Guinée équatoriale]".

Ibiro ntaramakuru AFP bisubiramo amagambo y’umukozi wa OMS i Malabo agira ati "Leta yamusabye [Dr Triphonie Nkurunziza] kugenda, twabonye inyandiko bikubiyemo - ashinjwa gutangaza imibare itari ukuri ya Covid-19".

Ntacyo Dr Triphonie Nkurunziza yari yatangaza ku mugaragaro.

Dr Nkurunziza aracyari i Malabo kubera ko nta ndege ihamukura ihari, nkuko AFP ibivuga, yongeraho ko imibare itangazwa na OMS n’itangazwa na leta kugeza ubu ari imwe muri icyo gihugu.

Kugeza ubu imibare igaragaza ko abantu 1,306 ari bo bamaze kwemezwa ko banduye Coronavirus muri icyo gihugu, 12 muri bo imaze kubica naho 200 barayikize.

Ni mu gihe ku Isi yose icyorezo cya Covid-19 bimaze gutangazwa ko abacyanduye bamaze kurenga Miliyoni 6 naho abarenga ibihumbi 376 kimaze kubahitana kuva cyakwaduka mu gihugu cy’u Bushinwa mu mujyi wa Wuhan mu mpera z’umwaka ushize wa2019.


Mu 2015 Dr Triphonie Nkurunziza yari anahagarariye OMS muri Bénin

Ingabire agomba gupfa cyangwa akicwa, ibikubiye mu ibaruwa yandikiwe Sena ya Amerika:





Tanga igitekerezo kuri iyi nkuru



Igitekerezo