Guinea: Referendum mu rugomo, ubwicanyi na Coronavirus

Ejo ku Cyumweru tariki ya 22 Werurwe 2020 Abaturage ba Guinea bagiye mu matora y’abadepite no kwemeza cyangwa kwanga ihindurwa ry’Itegeko Nshinga, ni amatora yaranzwe n’urugomo rwaguyemo abantu, ni mu gihe aha hanavugwa abantu batatu banduye icyorezo cya Coronavirus/COVID-19.

Abo ku ruhande rutavuga rumwe n’ubutegetsi bari bahamagariye rubanda kutitabira aya matora, bavuga ko ari umugambi wa Perezida Alpha Condé wo gufata Manda ya Gatatu.

Cellou Dalein Diallo wo ku ruhande rutavuga rumwe n’ubutegetsi yishimira ko ubusabe bwo kubuza abantu kujya muri ayo matora bwumviswe na benshi bukanubahirizwa.

Amadou Damaro Camara wo ku ruhande rwa Leta avuga ko amatora yagenze neza nubwo hari ibikorwa by’urugomo byakozwe ariko bitabujije amatora kwitabirwa.

Bamwe mu batavuga rumwe n’ubutegetsi mu mijyi itandukanye bashatse gutera ibiro by’itora ngo baburizemo amatora bahangana n’abashinzwe umutekano nk’uko BBC ibitangaza.

Amatora yabaye humvikana urusaku rw’amasasu hamwe na hamwe mu murwa mukuru Conakry.

Ku biro by’amatora hari hashyizwe uburyo bwo gukaraba intoki mu rwego rwo kwirinda ikwirakwira rya coronavirus, muri Guinea hamaze kubarurwa abantu batatu bayanduye.


Abaturage babanzaga gukaraba intoki mbere yo gutora ku Itegeko Nshinga no gutara Abadepite

Abatavuga rumwe na Leta n’imiryango yigenga bavuga ko Bwana Alpha Condé w’imyaka 82 ashaka kuvugurura Itegeko Nshinga kugira ngo ashobore kuyobora indi myaka 12.

Bwana Condé we avuga ko Leta yifuza kuvugurura Itegeko Nshinga kugira ngo hagire bimwe na bimwe baca harimo nko gukeba imyanya imwe ku myanya ndangagitsina y’abagore.


Bwana Alpha Condé ejo agiye gutora

Uruhande rutavuga rumwe n’ubutegetsi ruvuga ko mu myigaragambyo yamagana amatora yabaye ejo inzego z’umutekano zarashe zikica abantu 10.

Bwana Damaro Camara ku ruhande rwa Leta, avuga ko "hari abantu bapfuye ariko si benshi nk’uko byari byateguwe n’abatavuga rumwe na Leta".

Kuva mu 2013 kugeza 2016 Guinea yibasiwe na Ebola yishe abantu bagera ku 2,000. Iki gihugu kikaba kiri kubaka ubukungu bwacyo n’imibereho y’abagituye kinakira ingaruka za Ebola.


Abashinzwe umutekano ejo bahanganye n’abadashyigikiye amatora

Abari gusenyerwa mu Kagari ka Nyarutarama bati "Bazane imbunda baturase, ngo ntibakitaye kuri Coronavirus yugarije u Rwanda ndetse n’Isi, ngo COVID-19 ni ibyo bari gukorerwa, indwara twayihinduye ibingibi, ntabwo indwara tukiyitayeho:





Tanga igitekerezo kuri iyi nkuru



Igitekerezo