Dr Habumuremyi yakatiwe gufungwa imyaka 3 n’ihazabu y’akayabo

Urukiko Rwisumbuye rwa Nyarugenge kuri uyu wa Gatanu tariki ya 27 Ugushyingo 2020 rwahamije Dr Pierre Damien Habumuremyi wabaye Minisitiri w’Intebe w’u Rwanda icyaha cyo gutanga sheki itazigamiwe rumuhanisha gufungwa imyaka itatu (3) no gutanga ihazabu ya Miliyoni 892 Frw.

Urukiko kandi rwahanaguyeho Dr Pierre Damien icyaha cy’Ubuhemu ngo kuko nta bimenyetso bifatika byatanzwe n’Ubushinjacyaha.

Uregwa yavugaga ko ibi byaha aregwa bikwiye kujya ku gahanga ka kaminuza ya Christian University ngo kuko ibyakozwe byose byakorwaga mu izina ry’iriya kaminuza yashinze.

Urukiko rwagarutse ku byaburanyweho, rwavuze ko Dr Damien Habumuremyi ari we uza imbere mu bashyize umukono kuri ziriya sheki zitazigamiwe bityo ko adakwiye kubyegeka kuri iriya kaminuza.

Ubushinjacyaha kandi bwagaragarije Urukiko ko abatangabuhamya barimo n’abahawe ziriya sheki zitazigamiwe, bwari bwausabiye gufungwa imyaka umunani (8) irimo itanu (5) ku cyaha cyo gutanga Sheki zitazigamiwe n’itatu ku cyaha cy’ubuhemu.

Urukiko rwasomye uru rubanza regwa ari aho afungiye i Mageragere ndetse n’abamwunganira bose nta n’umwe uhari, rwavuze ko uregwa ahamwa n’icyaha cya sheki i zitazigamiwe ariko adahamwa n’icyaha cy’ubuhemu.

Urukiko kandi rwagize umwere Serushyana Charles wahoze ari umucangamutungo muri iriya kaminuza na we wari uhuriyeho icyaha cya sheki zitazigamiwe na Dr Damien Habumuremyi.


Isomwa ry’uyu mwanzuro ryabaye Pierre Damien ari aho afungiye i Mageragere


Icyumba cy’urukiko cyarimo abaje kumva umwanzuro w’uru rubanza

BIRANGIYE RYA SOKO RYA WA MUSORE WIHANGIYE UMURIMO UBUYOBOZI BURISENYE, ABATURAGE BASUTSE AMARIRA TUBURA ICYO DUKORA, ABATURAGE BARABASENYEYE, BARASHINJA LETA KUBAHOMBYA:





Tanga igitekerezo kuri iyi nkuru



Igitekerezo