Covid-19 ikomeje gukwirakwira mu bari bugufi ya Trump

Icyorezo cya Coronavirus kirimo gukwirakwira kurushaho mu bakorana bya hafi na Perezida wa Leta Zunze Ubumwe z’Amerika, Donald Trump.

Stephen Miller, umujyanama mukuru mu igenamigambi wo mu biro bya White House, bayimusanzemo ndetse n’umusirikare wo ku rwego rwo hejuru.

Bwana Miller yari amaze iminsi itanu yarishyize mu kato. Ejo ku wa Kabiri ni bwo yemeje ko yanduye Covid-19.

Jenerali Mark Milley umusirikare ukuriye ihuriro ry’ibiro bikuru by’ingabo z’Amerika rinagira inama Perezida Trump ndetse n’abandi basirikare bakuru na bo bishyize mu kato.

Ni nyuma yuko Amiral Charles Ray bamusanzemo Coronavirus.

Abandi bategetsi bishyize mu kato "mu rwego rwo kwigengesera kurushaho".


Amiral (Admiral) Charles Ray yabanje kugaragaza ibimenyetso byoroheje mbere yuko bamusangamo Coronavirus

Mu itangazo yasohoye, Bwana Miller yavuze ko "buri munsi bagiye ntayobamusangamo", kugeza ejo ku wa Kabiri ubwo bamusangagamo Covid-19.

Yongeyeho ko ubu yishyize mu kato.

Umugore we Katie Miller, uyu akaba ari umuvugizi wa Visi Perezida Mike Pence, yanduye coronavirus mu kwezi kwa Gatanu uyu mwaka, nyuma yaho aza gukira.

Mu kwezi kwa karindwi, Ruth Glosser, umukecuru nyirakuru wa Bwana Miller wari ufite imyaka 97, bivugwa ko yapfuye bitewe n’ibibazo bivuye kuri Covid-19.

Ibiro bya White House byahakanye ko Madamu Glosser yazize Coronavirus, bisohora itangazo bivuga ko "yapfuye mu mahoro ari mu bitotsi bye kubera izabukuru".

Ariko uwo mu muryango wa Bwana Miller yatangaje icyemezo cyo kwa muganga kigaragaza icyo yazize, cyerekana ko yazize "kunanirwa guhumeka".

Ndetse ko Covid-19 ari "uburwayi bwagejeje" ku rupfu rwa Madamu Glosser.

Bwana Miller ni we wandika imbwirwaruhame (discours) za Perezida Trump. Azwiho kugira ibitekerezo by’ubuhezanguni ku bijyanye n’abimukira.


Jenerali Mark ni umwe mu bishyize mu kato


Stephen Miller, umujyanama mukuru mu igenamigambi wo mu biro bya White House, bamusanzemo Covid-19

Umupfumu amennye amabanga y’ukuntu ngo ashika abantu n’uko ari gufasha Abapasiteri, urabyiyumvira byose uko byakabaye muri iyi Video:





Tanga igitekerezo kuri iyi nkuru



Igitekerezo